Áheitakóngurinn í Reykjavíkurmaraþoninu Birgir Örn Steinarsson skrifar 3. ágúst 2016 13:28 Baldvin er staðráðinn í því að klára hálfmaraþon á rétt rúmlega tveimur tímum. Vísir/Einkasafn Þessa dagana er fjöldi manns að undirbúa sig fyrir Reykjavíkurmaraþonið. Margir þeirra sem taka þátt gera það til þess að safna fé fyrir góðgerðastarfssemi að eigin vali. Þó nokkrum gengur vel með áheit sín og hafa hlauparar nú þegar safnað tæpum 20 milljónum í heild til góðgerðamála. Einn hlaupari, Baldvin Rúnarsson, á þar stærsta hlutann en hann hefur nú þegar þetta er skrifað safnað rúmlega 918 þúsund krónum fyrir Krabbameinsfélag Akureyrar og nágrennis. Ástæða þess hversu vel söfnunin gengur er líklegast mögnuð saga Baldvins. Hann er 22 ára og hefur á stuttri ævi sinni þurft að ganga í gegnum erfiðari þrautagöngu en margir aðrir. Fyrir þremur árum síðan greindist hann með heilaæxli sem hann er enn að glíma við. „Ég fæ einhvern hausverk og fer til heimilislæknis. Hann sendir mig í myndatöku og þar kemur í ljós að þar er eitthvað sem ekki á að vera í höfðinu á mér,“ segir Baldvin um upphaf þrautagöngu sinnar. „Svo fer ég suður og hitti lækna þar. Þeir vilja að ég fari í aðgerð sem ég geri jólin 2013.“ Eftir aðgerð var honum tilkynnt að æxlið væri góðkynja. Baldvin taldi þá að þessum erfiða kafla ævi sinnar væri lokið. Hann pakkaði því saman eigum sínum og fór á vit ævintýranna til Bandaríkjanna. „Ég fór út á Háskólastyrk að spila fótbolta. Ég kem svo heim í jólafrí og fer í leiðinni í athugun. Þá kemur í ljós að ég þyrfti að fara í aðra aðgerð. Þar með var það ljóst að ég gæti ekki farið aftur út. Eftir þá aðgerð var tekið annað sýni sem nú sýndi að æxlið var orðið illkynja. Í kjölfarið þurfti ég að hefja strax geisla- og lyfjameðferð."Baldvin hefur farið í tvær aðgerðir á heila á síðustu þremur árum.Vísir/einkasafnHefur eytt síðustu mánuðum í heimshornaflakk Baldvin er í reglubundna athugun á þriggja mánaða fresti. Útlitið hefur verið gott eftir geislameðferðina og engin merki um óeðlilegan vöxt. Æxlið hefur valdið því að Baldvin hefur þrisvar sinnum upplifað flogaköst. Hann er í dag á lyfjum fyrir því. Fyrir utan höfuðverki hefur Baldvin þó ekki upplifað neina röskun á hugsun, sjón eða heyrn. Eftir lyfjameðferð varð hann skiljanlega nokkuð kraftlítill. Á meðan á henni stóð var ekki óalgengt að hann svæfi 18 klukkustundir á dag. Núna reynir hann sitt besta til þess að ná aftur upp kröftum á ný. „Ég er reyndar hættur í fótbolta og hef aðallega verið að ferðast það sem af er ári. Ég fór til Ástralíu í mánuð í janúar og er nýkominn heim úr Evrópureisu. Fór til dæmis á alla leiki Íslands í EM í Frakklandi. Ég myndi nú ekki segja að ég sé í góðu formi en ég ætla að reyna að koma mér í smá stand núna síðustu vikur.“Stuðningur fjölskyldunnar í gegnum þrautagönguna hefur verið algjör.Vísir/einkasafnÆtlar að klára á rúmlega tveimur tímumBaldvin ætlar að hlaupa hálf maraþon, eða 21 kílómetra og það er engan efa að heyra í honum hvort það takist eður ei. „Ég er svo þrjóskur þegar ég byrja að hlaupa. Eigum við ekki að segja að ég fari þetta á rétt yfir tveimur tímum? Ég fer alveg tíu kílómetra á undir klukkutíma en það kemur í ljós hvernig gengur með seinni tíu kílómetrana.“ Baldvin segist vera orðlaus yfir þeim stuðning sem hann finnur hjá sínum nánustu sem og fólki út á götu á Akureyri. Fyrir maraþonið æfir sig þrisvar til fjórum sinnum í viku og hleypur þá á milli 5 – 12 kílómetra í senn. Hvað framtíðina varðar hefur þessi metnaðarfulli drengur stóra drauma. Hann stefnir á að flytja suður í haust og hefja nám í verðbréfamiðlun. „Læknirinn er búinn að segja að það gæti orðið erfitt en maður veit það náttúrulega aldrei fyrr en maður prufar.. svo ég ætla bara að prufa það,“ segir Baldvin ákveðinn. Takmark Baldvins er að safna einni milljón fyrir Krabbameinsfélag Akureyrar og nágrennis. Þeir sem vilja heita á hann fyrir maraþonið geta gert það hér. Mest lesið „Fyrst og fremst erum við að biðja um að fá að vera skráð í okkar hús“ Innlent Lofar látum og vísar gagnrýni Samtaka atvinnulífsins á bug Innlent Allt að áttatíu þúsund mæti í miðbæinn og götulokanir í gildi Innlent Brunaði austur til að finna litla frænda Innlent Flugumferðarstjórar aflýsa vinnustöðvunum á morgun og laugardag Innlent Starfsmenn Kubbs og Terra grunaðir um samráð Innlent Belgar komu í veg fyrir samþykkt um nýtingu rússneskra eigna Erlent Þriggja ára fangelsi eftir flug frá Berlín Innlent Pallborðið: Dómgreindarbrestur hjá CoolBet Innlent Klórar sér í kollinum yfir kvennaverkfallinu Innlent Fleiri fréttir Allt að áttatíu þúsund mæti í miðbæinn og götulokanir í gildi Flugumferðarstjórar aflýsa vinnustöðvunum á morgun og laugardag Lofar látum og vísar gagnrýni Samtaka atvinnulífsins á bug „Fyrst og fremst erum við að biðja um að fá að vera skráð í okkar hús“ Þriggja ára fangelsi eftir flug frá Berlín Fann aldagamlan mun, brást hárrétt við og langar að gerast fornleifafræðingur Brunaði austur til að finna litla frænda „Þá erum við að tala um 60 milljarða í töpuðum útflutningstekjum“ Kvíðið starfsfólk, handtökur og fornminjafundur Starfsmenn Kubbs og Terra grunaðir um samráð Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Dómgreindarbrestur hjá CoolBet Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Sjá meira
Þessa dagana er fjöldi manns að undirbúa sig fyrir Reykjavíkurmaraþonið. Margir þeirra sem taka þátt gera það til þess að safna fé fyrir góðgerðastarfssemi að eigin vali. Þó nokkrum gengur vel með áheit sín og hafa hlauparar nú þegar safnað tæpum 20 milljónum í heild til góðgerðamála. Einn hlaupari, Baldvin Rúnarsson, á þar stærsta hlutann en hann hefur nú þegar þetta er skrifað safnað rúmlega 918 þúsund krónum fyrir Krabbameinsfélag Akureyrar og nágrennis. Ástæða þess hversu vel söfnunin gengur er líklegast mögnuð saga Baldvins. Hann er 22 ára og hefur á stuttri ævi sinni þurft að ganga í gegnum erfiðari þrautagöngu en margir aðrir. Fyrir þremur árum síðan greindist hann með heilaæxli sem hann er enn að glíma við. „Ég fæ einhvern hausverk og fer til heimilislæknis. Hann sendir mig í myndatöku og þar kemur í ljós að þar er eitthvað sem ekki á að vera í höfðinu á mér,“ segir Baldvin um upphaf þrautagöngu sinnar. „Svo fer ég suður og hitti lækna þar. Þeir vilja að ég fari í aðgerð sem ég geri jólin 2013.“ Eftir aðgerð var honum tilkynnt að æxlið væri góðkynja. Baldvin taldi þá að þessum erfiða kafla ævi sinnar væri lokið. Hann pakkaði því saman eigum sínum og fór á vit ævintýranna til Bandaríkjanna. „Ég fór út á Háskólastyrk að spila fótbolta. Ég kem svo heim í jólafrí og fer í leiðinni í athugun. Þá kemur í ljós að ég þyrfti að fara í aðra aðgerð. Þar með var það ljóst að ég gæti ekki farið aftur út. Eftir þá aðgerð var tekið annað sýni sem nú sýndi að æxlið var orðið illkynja. Í kjölfarið þurfti ég að hefja strax geisla- og lyfjameðferð."Baldvin hefur farið í tvær aðgerðir á heila á síðustu þremur árum.Vísir/einkasafnHefur eytt síðustu mánuðum í heimshornaflakk Baldvin er í reglubundna athugun á þriggja mánaða fresti. Útlitið hefur verið gott eftir geislameðferðina og engin merki um óeðlilegan vöxt. Æxlið hefur valdið því að Baldvin hefur þrisvar sinnum upplifað flogaköst. Hann er í dag á lyfjum fyrir því. Fyrir utan höfuðverki hefur Baldvin þó ekki upplifað neina röskun á hugsun, sjón eða heyrn. Eftir lyfjameðferð varð hann skiljanlega nokkuð kraftlítill. Á meðan á henni stóð var ekki óalgengt að hann svæfi 18 klukkustundir á dag. Núna reynir hann sitt besta til þess að ná aftur upp kröftum á ný. „Ég er reyndar hættur í fótbolta og hef aðallega verið að ferðast það sem af er ári. Ég fór til Ástralíu í mánuð í janúar og er nýkominn heim úr Evrópureisu. Fór til dæmis á alla leiki Íslands í EM í Frakklandi. Ég myndi nú ekki segja að ég sé í góðu formi en ég ætla að reyna að koma mér í smá stand núna síðustu vikur.“Stuðningur fjölskyldunnar í gegnum þrautagönguna hefur verið algjör.Vísir/einkasafnÆtlar að klára á rúmlega tveimur tímumBaldvin ætlar að hlaupa hálf maraþon, eða 21 kílómetra og það er engan efa að heyra í honum hvort það takist eður ei. „Ég er svo þrjóskur þegar ég byrja að hlaupa. Eigum við ekki að segja að ég fari þetta á rétt yfir tveimur tímum? Ég fer alveg tíu kílómetra á undir klukkutíma en það kemur í ljós hvernig gengur með seinni tíu kílómetrana.“ Baldvin segist vera orðlaus yfir þeim stuðning sem hann finnur hjá sínum nánustu sem og fólki út á götu á Akureyri. Fyrir maraþonið æfir sig þrisvar til fjórum sinnum í viku og hleypur þá á milli 5 – 12 kílómetra í senn. Hvað framtíðina varðar hefur þessi metnaðarfulli drengur stóra drauma. Hann stefnir á að flytja suður í haust og hefja nám í verðbréfamiðlun. „Læknirinn er búinn að segja að það gæti orðið erfitt en maður veit það náttúrulega aldrei fyrr en maður prufar.. svo ég ætla bara að prufa það,“ segir Baldvin ákveðinn. Takmark Baldvins er að safna einni milljón fyrir Krabbameinsfélag Akureyrar og nágrennis. Þeir sem vilja heita á hann fyrir maraþonið geta gert það hér.
Mest lesið „Fyrst og fremst erum við að biðja um að fá að vera skráð í okkar hús“ Innlent Lofar látum og vísar gagnrýni Samtaka atvinnulífsins á bug Innlent Allt að áttatíu þúsund mæti í miðbæinn og götulokanir í gildi Innlent Brunaði austur til að finna litla frænda Innlent Flugumferðarstjórar aflýsa vinnustöðvunum á morgun og laugardag Innlent Starfsmenn Kubbs og Terra grunaðir um samráð Innlent Belgar komu í veg fyrir samþykkt um nýtingu rússneskra eigna Erlent Þriggja ára fangelsi eftir flug frá Berlín Innlent Pallborðið: Dómgreindarbrestur hjá CoolBet Innlent Klórar sér í kollinum yfir kvennaverkfallinu Innlent Fleiri fréttir Allt að áttatíu þúsund mæti í miðbæinn og götulokanir í gildi Flugumferðarstjórar aflýsa vinnustöðvunum á morgun og laugardag Lofar látum og vísar gagnrýni Samtaka atvinnulífsins á bug „Fyrst og fremst erum við að biðja um að fá að vera skráð í okkar hús“ Þriggja ára fangelsi eftir flug frá Berlín Fann aldagamlan mun, brást hárrétt við og langar að gerast fornleifafræðingur Brunaði austur til að finna litla frænda „Þá erum við að tala um 60 milljarða í töpuðum útflutningstekjum“ Kvíðið starfsfólk, handtökur og fornminjafundur Starfsmenn Kubbs og Terra grunaðir um samráð Lúkas Geir áfrýjar eins og hinir tveir Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda Landsnet fagnar sigri í baráttu við landeigendur Falsað myndband af kennara og nemanda fór í dreifingu Nýr lögreglustjóri á Austurlandi verði skipaður á allra næstu dögum Gagnrýna lítinn fyrirvara á skipulagi kvennafrídagsins „Við finnum fyrir mikilli spennu frá heimsbyggðinni“ Verktakar hafi greinilega nóg því þeir kjósi frekar að bíða en lækka Pallborðið: Dómgreindarbrestur hjá CoolBet Guðmundur til ráðherra og framkvæmdastjóri HK tekur við Sjaldan eins erfitt að kaupa fasteign og konur undirbúa verkfall Titringur í hreppnum vegna lögheimilisflutninga Sigmundur seinn: „Er þingmaðurinn í salnum?“ Halla tekur sér frí og vill að karlmenn axli ábyrgð Embættismenn sitji að hámarki í fjórtán ár og aðstoðarmenn hætti fyrir kosningar Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Sjá meira
Kvenleiðtogar á kvennafrídegi: Kristrún með fjölskyldunni, Inga vill kíkja á Arnarhól og Þorgerður með í baráttuanda