Sjáðu mörkin úr Laugardalnum og fagnaðarlæti Valsmanna | Myndband

Sigurður Egill Lárusson var hetja Valsmanna í 2-0 sigri á ÍBV í úrslitum Borgunarbikarsins í dag en Sigurður skoraði bæði mörk Valsmanna í dag.

Sjá einnig:Umfjöllun, viðtöl og myndir: Valur - ÍBV 2-0 | Valsmenn bikarmeistarar annað árið í röð

Fyrra markið skoraði hann eftir að hafa snúið laglega á varnarmann, leikið á Derby Carrillo í marki Eyjamanna og rennt boltanum í autt netið.

Rúmlega tíu mínútum síðar bætti hann við öðru marki. Rataði þá fyrirgjöf Kristins Inga Halldórssonar á Sigurð við vítateigslínuna og lagði hann boltann snyrtilega í netið.

Eyjamenn ógnuðu marki Valsmanna nokkrum sinnum í leiknum en náðu aldrei að svara fyrir mörkin tvö og fögnuðu Valsmenn því bikarmeistaratitlinum annað árið í röð.

Myndband af mörkunum og fagnaðarlátum Valsmanna eftir leik má sjá í spilaranum hér fyrir ofan.