Markahæsta um­ferð sögunnar

Það voru þegar komin 23 mörk eftir fyrri hálfleik í leikjunum fimm sem hófust klukkan tvö og því stefndi strax í met.

Það hægðist aðeins á markaskorinu í seinni hálfleik en metið féll engu að síður.

Gamla metið var 34 marka umferð frá því um mánaðamótin maí-júní 2024. Þá voru skoruð flest mörk á KR-vellinum eða átta mörk en eins fimm mörk í Víkinni og sex mörk í Laugardalnum þar sem Vestri lék heimaleik sinn í umferðinni.

Þegar flautað var til leiksloka í fyrstu tveimur leikjunum var búið að jafna metin því 34 mörk litu dagsins ljós í fyrstu fimm leikjum dagsins. Metið féll því þegar Kristófer Konráðsson kom Fram yfir snemma leiks á móti Víkingum. Þrjú mörk bættust við í Víkinni og því var metið bætt um fjögur mörk á endanum.

Úrslitin í metumferðinni í dag:

KR-Breiðablik 8-3

ÍA-Keflavík 4-4

Víkingur-Fram 2-2

Stjarnan-Valur 6-0

FH-Þór Ak. 1-2

KA-ÍBV 5-1

Úrslitin í gömlu metumferðinni frá 2024 voru eftirfarandi.

9. umferð 2024:

FH-Fram 3-3

KA-ÍA 2-3

Vestri-Stjarnan 4-2

Víkingur-Fylkir 5-2

HK-Breiðablik 0-2

KR-Valur 3-5

Aron Elís Þrándarson, Aron Sigurðarson og Gísli Laxdal Unnarsson voru þeir einu sem skoruðu í báðum þessum metumferðum.