Lilja Rafney leiðir lista VG í Norðvesturkjördæmi

Lilja Rafney Magnúsdóttir, þingkona Vinstri grænna mun leiða lista flokksins í Norðvesturkjördæmi í komandi Alþingiskosningum. Atkvæði í forvali flokksins í kjördæminu voru talin í kvöld. Alls voru 859 atkvæði greidd og þarf af voru 787 þeirra gild. Lilja Rafney hlaut 328 atkvæði í fyrsta sætið en Bjarni Jónsson hlaut 307.

Kjörstjórn mun leggja fram tillögu að heildarlista á fundi á Hvanneyri næstkomandi fimmtudag.

Niðurstöður forvalsins voru eftirfarandi:

1. Lilja Rafney Magnúsdóttir

2. Bjarni Jónsson

3. Dagný Rósa Úlfarsdóttir

4. Lárus Ástmar Hannesson

5. Þóra Geirlaug Bjartmarsdóttir

6. Rúnar Gíslason