Fótbolti

Skyldusigur hjá Þjóðverjum sem hafa ekki fengið á sig mark | Sjáðu mörkin

Kolbeinn Tumi Daðason skrifar
Þjóðverjar halda áfram góðu gengi sínu í undankeppni HM 2018 en liðið vann þægilegan sigur á Norður-Írlandi á heimavelli í kvöld. 

 Julian Draxler kom þeim þýsku yfir strax eftir 13 mínútur með snyrtilegu skoti utan teigs og Sami Khedira kom heimamönnum í 2-0 með skalla eftir hornspyrnu á 17. mínútu.

 Mörkin urðu ekki fleiri og Þjóðverjar eru með níu stig, fullt hús, eftir þrjá leiki í toppsæti riðilsins. Norður-Írar hafa fjögur stig í þriðja æsti riðilsins.

 Aserbaídjan heldur áfram að koma á óvart en liðið er með sjö stig í öðru sæti eftir markalaust jafntefli í Tékklandi í kvöld. 

 Norðmenn unnu svo 4-1 sigur á San Marínó á heimavelli og hafa þrjú stig í fjórða sæti riðilsins. Tékkar hafa tvö stig og San Marínó stigalaust eins og svo oft áður.

 

HM 2018 í Rússlandi

Mest lesið


Fleiri fréttir

Sjá meira


×

Mest lesið