Fyrstu kjörstaðir landsins voru opnaðir klukkan níu í morgun og má búast við annasömum degi á kjörstöðum um land allt. Árrisulir íbúar Hlíðanna í Reykjavík létu ekki slæmt veður í morgunsárið á sig fá og voru mættir til kosninga í Hlíðarskóla á tíunda tímanum í morgun.
Kjörstaðir eru opnir til klukkan tíu í kvöld og eru allir að sjálfsögðu hvattir til að mæta á kjörstað og nýta atkvæðisrétt sinn.
Kosningavakt Vísis fylgist grannt með gangi mála alla helgina. Vaktina má finna hér.
Árrisulir íbúar Hlíðanna mæta á kjörstað
Tengdar fréttir
Veður gæti haft áhrif á úrslitin í kosningunum
Fjórflokkurinn gæti hagnast á slæmu veðri á kjördag að sögn stjórnmálafræðings. Kjörsókn ungs fólks gæti haft úrslitaáhrif á niðurstöðu alþingiskosninganna. Kjörsókn hefur farið minnkandi í síðustu fernum alþingiskosningum.
