Stjórnarflokkarnir græddu tvo þingmenn á kosningakerfinu

„Kosningakerfið hefur einn þingmann af VG og annan af Bjartri framtíð og færir yfir til Framsóknar og Sjálfstæðisflokks,“ upplýsir Gunnar Smári Egilsson ritstjóri vini sína á Facebook um.

Gunnar Smári má heita sérfróður um kosningakerfið og hann hefur verið með reiknistokkinn á lofti í aðdraganda kosninga og nú eftir Facebookvinum sínum til fróðleiks. Hann segir að kerfið nái ekki að jafna þingmönnum milli flokka eftir atkvæðamagni. Til þess eru of margir þingmenn kjördæmakjörnir og of fáir uppbótarþingmenn til að jafna þingmenn milli flokka.

„Stjórnarflokkarnir fá því 29 þingmenn (-9) þótt atkvæðin ættu bara að gefa þeim 27 þingmenn (-11). Stjórnarandstaðan fær 27 þingmenn (+2) en ætti að fá 29 þingmenn (+4). Þetta ýkir varnarsigur Sjálfstæðismanna og dregur úr tapi ríkisstjórnarinnar. Ríkisstjórnin fær 40,5% (tapar 10,6%) en stjórnarandstaðan (án Viðreisnar) fær 43,3% (bætir við sig 4,2%),“ segir Gunnar Smári.

Skekkjan í kosningakerfin veldur því að atkvæði landsbyggðarinnar vega þyngra og gerir Gunnar Smári ráð fyrir því að sjónarmið landsbyggðarinnar verði því fyrirferðarmeiri á næsta kjörtímabili en verið hefur.

Þetta má heita kaldhæðnislegt, og jafnvel mótsagnakennt í ljósi þess að upprisa Bjartrar framtíðar í skoðanakönnunum hófst þegar sá flokkur setti sig með afgerandi hætti á móti umdeildum búvörusamningum í atkvæðagreiðslu skömmu fyrir kosningar.

„Sem fyrr hagnast þeir flokkar sem mest hafa haft með það að gera að smíða kerfið. Það er gert fyrir flokkana fremur en fólkið.“

Gunnar Smári reiknar jafnframt út hvaða áhrif fimm prósenta þröskuldurinn svokallaði hefur.

xD 19 (-2)

xVG 10 P 9 (-1)

xB 7 (-1)

xC 7

x BF 5 (+1)

xS 3

xFF 2 (+2)

Dögun 1 (+1)

„Ég veit ekki hver rökin voru sem sögð voru upphátt, en virkni 5% þröskuldsins er að verja stærri flokka minni flokkum og klofningi,“ segir Gunnar Smári.