Rakel Dögg aftur í landsliðið

Rakel Dögg Bragadóttir er komin aftur í íslenska landsliðið eftir þriggja ára fjarveru. Hún var valin í hópinn sem leikur í forkeppni HM 2017 í næsta mánuði.

Rakel Dögg fékk slæmt höfuhögg á landsliðsæfingu í nóvember 2013 og tilkynnti nokkrum mánuðum síðar að hún væri hætt af þeim sökum.

Hún sneri þó aftur á völlinn á síðari hluta síðasta tímabils og hefur spilað vel með Stjörnunni í Olísdeild kvenna í haust. Hún var lengi vel fyrirliði íslenska landsliðsins.

Axel Stefánsson, þjálfari íslenska landsliðsins, valdi sextán manna hóp fyrir forkeppni HM. Ísland er þar í riðli með Færeyjum, Austurríki og Makedóníu en tvö lið komast áfram í umspil um sæti á HM.

Allir leikirnir í riðlinum fara fram í Færeyjum í byrjun desember.

Meðal þeirra leikmanna sem voru ekki valdir í hópinn en voru með á æfingamóti í Póllandi í október eru Elín Jóna Þorsteinsdóttir, Ester Óskarsdóttir og Helena Rut Örvarsdóttir.

Hópurinn:

Arna Sif Pálsdóttir, Nice

Birna Berg Haraldsdóttir, Glassverket

Eva Björk Davíðsdóttir, Sola

Guðrún Ósk Maríasdóttir, Fram

Heiða Ingólfsdóttir, Stjörnunni

Hildigunnur Einarsdóttir, Leipzig

Hrafnhildur Hanna Þrastardóttir, Selfossi

Karen Knútsdóttir, Nice

Lovísa Thompson, Gróttu

Rakel Dögg Bragadóttir, Stjörnunni

Rut Jónsdóttir, Midtjylland

Steinunn Hansdóttir, Skanderborg

Steinunn Björnsdóttir, Fram

Sunna Jónsdóttir, HK Halden

Þórey Anna Ásgeirsdóttir, Gróttu

Þórey Rósa Stefánsdóttir, Kristiansand