Svavar Örn gekk fram af Ingu Lind

Ísskápastríð er nýr og skemmtilegur matreiðsluþáttur í umsjón Evu Laufeyjar og Gumma Ben sem jafnframt gegna hlutverki liðsstjóra.

Þátturinn hóf göngu sína á Stöð 2 í síðustu viku og voru keppendur að í þessari viku útvarps- og sjónvarpsmaðurinn Svavar Örn og sjónvarpskonan Inga Lind Karlsdóttir.

Eva Laufey var Svavari í liði og Gummi Ben fékk þann heiður að vera með Ingu Lind. Keppnin var þrískipt og þurftu liðin að útbúa forrétt, aðalrétt og eftirrétt.

Nokkuð skemmtilegt atvik átti sér stað í þættinum í gær en þá sagði Svavar Örn eitthvað svo dónalegt að leikstjóri þáttanna varð að koma fyrir „píp“ hljóði yfir setninguna til að hægt væri að sýna þennan skemmtilega fjölskylduþátt.

Hér að neðan má sjá atriðið fyndna en Inga Lind missti gjörsamlega andlitið þegar Svarar lét þessi orð falla.