Forsetinn föndraði mynd handa Steingrími og sendi í pósti

Forsetinn, eða í það minnsta einhver á forsetaskrifstofunni, virðist hafa góðan húmor. Það er að minnsta koti mat Steingríms Sævarrs Ólafssonar sem á nú í fórum sínum forláta mynd af sér með forsetanum, útklippta og vel föndraða.

Nútíminn greindi frá. Á dögunum velti Steingrímur því fyrir sér hvort að hann væri eini Íslendingurinn sem ekki ætti mynd af sér með forsetanum.

„Er einhver góður í Photoshop?“ spurði Steingrímur Facebook-vini sína.

Forsetinn virðist hafa brugðist við um hæl því að þegar Steingrímur kom heim til sín úr vinnu í gær beið honum umslag merkt forsetaskrifstofunni.

Inn í því var myndin sem sjá má hér að neðan. Þar má sjá að búið er að klippa Steingrím út með skærum og líma á mynd af forsetanu,

Í samtali við Vísi efast Steingrímur reyndar um að forsetinn hafi föndrað en óumdeilt er að umslagið sjálft var frá forsetaskrifstofunni og því má leiða líkur að því að minnsta kosti hafi einhver nátengdur forsetanum gripið upp skærin.

„Ég veit ekkert hver gerði þetta. Það eru tveir möguleikar í stöðunni. Annaðhvort var þetta einhver með virkilega góðan húmor eða þá að Guðni er með jafn góðan húmor og maður vonaðist eftir.“

Steingrímur segir að föndurvinnan gæti þó verið betri en að sendingin hafi glatt sig mjög.

„Þetta er mjög lélegt manúelt photoshop en gladdi mitt litla hjarta og ég er enn hlæjandi,“ segir Steingrímur