Tapsár vaxtarræktarkappi sló kynnirinn í gólfið | Myndband

Það er oft erfitt að tapa og gríski vaxtarræktarkappinn Giannos Magos átti mjög erfitt með að sætta sig við tap í vaxtarræktarkeppni í heimalandinu.

Hann vann sinn flokk í keppninni en varð að sætta sig við silfrið í opna flokknum. Við það sturlaðist Magos.

Hann gekk berserksgang. Kastaði borðum út um allt áður en hann ákvað að kýla saklausan kynni keppninnar. Einn fastasti kinnhestur sögunnar sem felldi kynninn með látum.

Þarna stóð Magos síðan á skýlunni einni fata í um tvær mínútur og lét menn heyra það. Meðal annars forseta alþjóðasambandsins. Skilaboðin þar voru einföld: „Fuck off“.