Þess vegna er ég klökk Gunnþóra Gunnarsdóttir skrifar 9. desember 2016 11:15 "Við vorum miklir prakkarar báðar og lifandi stúlkur,“ segir Margrét um þær Berglindi. Vísir/GVA Nú fer ég að skæla og verð að setjast niður með kerti,“ segir Margrét Pálmadóttir söngstjóri þegar hún er beðin að minnast æskuvinkonu sinnar Berglindar Bjarnadóttur í orðum. Margrét er meðal þeirra sem standa að ókeypis minningatónleikum um Berglindi í hádeginu á morgun í Hafnarfjarðarkirkju, þar sem kórarnir hennar, Vox feminae og Árórur, koma fram ásamt Kór Öldutúnsskóla undir stjórn Brynhildar Auðbjargardóttur, Hönnu Björk Guðjónsdóttur söngkonu og Arnhildi Valgarðsdóttur píanó- og organleikara. Tilefnið er að þrjátíu ár eru frá því Berglind lést, aðeins 29 ára að aldri af völdum illvígs krabbameins. Hún var búin að heilla þjóðina með söng sínum, til dæmis í tríóinu Lítið eitt. Það var einmitt í kór Öldutúnsskóla sem þær kynntust Margrét og Berglind þegar þær voru átta og níu ára gamlar og smullu saman sem vinkonur og söngsystur. „Það skapast sérstök vinátta í kór og raddir okkar Berglindar hljómuðu strax saman, svo það var sterkur strengur á milli okkar,“ segir Margrét. „Við fengum líka einstakt uppeldi hjá Agli Friðleifssyni kórstjóra og lentum fljótlega í ævintýrum. Alls held ég að við höfum farið í átta söngferðir til útlanda saman með ýmsum kórum, fyrst með kór Öldutúnsskóla þegar við vorum ellefu ára. Við fórum báðar að læra söng hjá Elísabetu Erlingsdóttur, 13 og 14 ára, því Egill notaði okkur fyrir sólóista, vorum samferða í strætó í Tónlistarskóla Kópavogs. Þar man ég eftir okkur að leita að kexi á kennarastofunni því okkur þótti báðum svo gott að borða! Síðar sungum við í Kirkjukór Hafnarfjarðarkirkju, Pólýfónkórnum og Þjóðleikhúskórnum. Sungum í 56 sýningum af Carmen eftir Bizet, meðal annars þegar við vorum í stúdentsprófum. Á milli frönsku- og þýskuprófs var upplestrarvika og þá skruppum við saman til Vínarborgar með Framsóknarflokknum og fórum í óperuna og á alls konar tónleika. Þá varð ég ástfangin af Vínarborg en Berglind fór í framhaldsnám til Stokkhólms svo leiðir skildi og við héldum sambandinu gegnum bréfaskriftir, ég á nokkur falleg kort og bréf frá henni.“ Margrét segir ókeypis inn á tónleikana í hádeginu í dag. „Við minnum bara á Krabbameinsfélagið,“ segir hún. „Þetta eru minningartónleikar með stórri þökk og fögrum æskuminningum. Þess vegna er ég klökk.“ Greinin birtist fyrst í Fréttablaðinu 9. desember 2016. Lífið Menning Mest lesið „Það er einhver sjarmi yfir París sem er ekki annarsstaðar“ Lífið Eva flutt inn í verðlaunahús Kára Lífið „Þegar menn vaða svona í fjölskylduna mína þá tek ég boxhanskana af“ Lífið Gaf langömmu tattú í afmælisgjöf Lífið Ætlar í blómabað á Balí með manninum sínum Lífið Fyndnustu dýralífsmyndir ársins Lífið Heldur ekki vatni yfir konunni sinni Lífið Fréttatía vikunnar: Þingframboð, þýfi og brúarframkvæmdir Lífið Þriðja barnið á leiðinni Lífið Íslensk börn skorti meiri aga Lífið Fleiri fréttir Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Nú fer ég að skæla og verð að setjast niður með kerti,“ segir Margrét Pálmadóttir söngstjóri þegar hún er beðin að minnast æskuvinkonu sinnar Berglindar Bjarnadóttur í orðum. Margrét er meðal þeirra sem standa að ókeypis minningatónleikum um Berglindi í hádeginu á morgun í Hafnarfjarðarkirkju, þar sem kórarnir hennar, Vox feminae og Árórur, koma fram ásamt Kór Öldutúnsskóla undir stjórn Brynhildar Auðbjargardóttur, Hönnu Björk Guðjónsdóttur söngkonu og Arnhildi Valgarðsdóttur píanó- og organleikara. Tilefnið er að þrjátíu ár eru frá því Berglind lést, aðeins 29 ára að aldri af völdum illvígs krabbameins. Hún var búin að heilla þjóðina með söng sínum, til dæmis í tríóinu Lítið eitt. Það var einmitt í kór Öldutúnsskóla sem þær kynntust Margrét og Berglind þegar þær voru átta og níu ára gamlar og smullu saman sem vinkonur og söngsystur. „Það skapast sérstök vinátta í kór og raddir okkar Berglindar hljómuðu strax saman, svo það var sterkur strengur á milli okkar,“ segir Margrét. „Við fengum líka einstakt uppeldi hjá Agli Friðleifssyni kórstjóra og lentum fljótlega í ævintýrum. Alls held ég að við höfum farið í átta söngferðir til útlanda saman með ýmsum kórum, fyrst með kór Öldutúnsskóla þegar við vorum ellefu ára. Við fórum báðar að læra söng hjá Elísabetu Erlingsdóttur, 13 og 14 ára, því Egill notaði okkur fyrir sólóista, vorum samferða í strætó í Tónlistarskóla Kópavogs. Þar man ég eftir okkur að leita að kexi á kennarastofunni því okkur þótti báðum svo gott að borða! Síðar sungum við í Kirkjukór Hafnarfjarðarkirkju, Pólýfónkórnum og Þjóðleikhúskórnum. Sungum í 56 sýningum af Carmen eftir Bizet, meðal annars þegar við vorum í stúdentsprófum. Á milli frönsku- og þýskuprófs var upplestrarvika og þá skruppum við saman til Vínarborgar með Framsóknarflokknum og fórum í óperuna og á alls konar tónleika. Þá varð ég ástfangin af Vínarborg en Berglind fór í framhaldsnám til Stokkhólms svo leiðir skildi og við héldum sambandinu gegnum bréfaskriftir, ég á nokkur falleg kort og bréf frá henni.“ Margrét segir ókeypis inn á tónleikana í hádeginu í dag. „Við minnum bara á Krabbameinsfélagið,“ segir hún. „Þetta eru minningartónleikar með stórri þökk og fögrum æskuminningum. Þess vegna er ég klökk.“ Greinin birtist fyrst í Fréttablaðinu 9. desember 2016.
Lífið Menning Mest lesið „Það er einhver sjarmi yfir París sem er ekki annarsstaðar“ Lífið Eva flutt inn í verðlaunahús Kára Lífið „Þegar menn vaða svona í fjölskylduna mína þá tek ég boxhanskana af“ Lífið Gaf langömmu tattú í afmælisgjöf Lífið Ætlar í blómabað á Balí með manninum sínum Lífið Fyndnustu dýralífsmyndir ársins Lífið Heldur ekki vatni yfir konunni sinni Lífið Fréttatía vikunnar: Þingframboð, þýfi og brúarframkvæmdir Lífið Þriðja barnið á leiðinni Lífið Íslensk börn skorti meiri aga Lífið Fleiri fréttir Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira