Brasilía og Kólumbía spila góðgerðarleik fyrir Chapecoense

Búið er að setja á vináttulandsleik á milli Brasilíu og Kólumbíu í lok janúar þar sem allur ágóði mun renna til fjölskyldna fórnarlamba flugslyssins í Kólumbíu þar sem meirihluti leikmanna brasilíska liðsins Chapecoense lést.

Talsmaður brasilíska knattspyrnusambandsins tilkynnti einnig að sambandið hefði ákveðið að styrkja Chapecoense um 165 milljónir króna.

Nítján leikmenn félagsins létust í flugslysinu en vélin hrapaði rétt fyrir utan Medellin í Kólumbíu. Þar var liðið á leið í undanúrslit í Copa Sudamericana. Keppni hefur verið hætt og Chapecoense var gefinn titillinn.

Leikurinn mun annað hvort fara fram á Maracana í Ríó eða á heimavelli Chapecoense. Rúmlega 50 þúsund sæta munur er á völlunum og því líklegra að leikið verði á Maracana.