Zsa Zsa Gabor er látin

Leikkonan Zsa Zsa Gabor er látin, 99 ára að aldri. Hún lést á heimili sínu af völdum hjartaáfalls.

Gabor fæddist í Ungverjalandi þann 6. febrúar 1917 og hóf feril sinn á sviði í Vínarborg. Þá var hún Ungfrú Ungverjaland árið 1936. Hún fluttist til Bandaríkjanna árið 1941 í miðri seinni heimstyrjöldinni.

Gabor varð fljótt eftirsótt leikkona og kom hún fram í yfir 70 kvikmyndum á ferli sínum. Gabor var þó einna þekktust fyrir skrautlegan lífstíl og fyrir að hafa gifst níu sinnum.