Áttunda og síðasta þáttaröð sjónvarpsþáttanna gríðarvinsælu Game of Thrones mun aðeins innihalda sex þætti.
Þetta staðfestu yfirframleiðendur þáttanna á South by Southwest listahátíðinni í Bandaríkjunum fyrir skemmstu á sérstökum Game of Thrones viðburði þar sem leikkonurnar Maisie Williams og Sophie Turner, sem leika systurnar Aryu og Sönsu Stark, spurðu þá David Benioff og Dan Weiss, aðalframleiðendur þáttanna spjörunum úr.
Það þýðir að aðeins þrettán þættir eru eftir af þáttunum ofurvinsælu en næsta þáttaröð, sem frumsýnd verður 16. júlí næstkomandi, mun innihalda sjö þætti.
„Við erum komnir með 140 blaðsíðna yfirlit yfir þá sex þætti sem verða í síðustu þáttaröðinni,“ sagði Benioff.
Það er því ljóst að síðustu tveir þáttaraðirnar ættu að vera stútfullar af spennu enda þær báðar töluvert styttri en hinar þáttaraðirnar sem hingað til hafa verið tíu þættir.
Lokasería Game of Thrones aðeins sex þættir
Tengdar fréttir
Mætt til Íslands til að taka upp Game Of Thrones
Ísland hefur áður verið notað til að tákna landið handan Veggjarins í Westeros.
Myndir frá ferðamönnum gefa vísbendingar um stórt hlutverk Íslands í Game of Thrones
Tökur á sjöundu þáttaröð Game of Thrones eru í fullum gangi á Íslandi.
Íslenska veðrið gerði stjörnum Game of Thrones lífið leitt
Kit Harrington, Liam Cunningham og fleiri stjörnur sem voru við tökur á sjónvarpsþáttunum geysivinsælu Game of Thrones fyrr á árinu urðu fyrir barðinu á íslenska veðrinu ef marka má frásagnir erlendra miðla.
Fyrsta plakat Game of Thrones birt
Ís og eldur blandast saman.
Frumsýningardagur sjöundu seríu Game of Thrones opinberaður með afar forvitnilegum hætti
160 þúsund manns fylgdust með klukkustundar langri útsendingu á Facebook.
