Tap í fyrsta leik Adams við stjórnvölinn

Granada tapaði 0-3 fyrir Celta Vigo í fyrsta leik liðsins undir stjórn Tonys Adams.

Sverrir Ingi Ingason lék allan tímann í vörn Granada sem er í ansi vondum málum.

Sverrir og félagar eru í nítjánda og næstneðsta sæti spænsku úrvalsdeildarinnar með 20 stig, sjö stigum frá öruggu sæti þegar sex umferðum er ólokið.

Í þessum síðustu sex umferðum mætir Granada m.a. Sevilla og Real Madrid.

Það er því ljóst að gamli Arsenal-fyrirliðinn á erfitt verk fyrir höndum hjá Granada.