Fyrirtækin berjist fyrir íslenskunni

Íslensk tunga á sannarlega í vök að verjast, segir í ákalli frá Íslenskri málnefnd. Nefndin heitir á forystumenn í íslensku atvinnulífi og stjórnendur íslenskra fyrirtækja, stórra sem smárra, að beita áhrifamætti sínum og ganga heils hugar í lið með þeim sem berjast fyrir lífi íslenskrar tungu.

Ákallið er sent í tilefni þess að á dögunum var nafn Flugfélags Íslands lagt niður og tekið hefur verið upp nafnið Air Iceland Conn­ect. Íslensk málnefnd segir að þessi nafnabreyting sé fjarri því að vera einsdæmi. Fjöldamörg íslensk fyrirtæki starfi undir enskum heitum.