Ísland komst upp að hlið Króatíu í I-riðli undankeppni HM 2018 eftir 1-0 sigur í leik liðanna á Laugardalsvelli í kvöld.
Hörður Björgvin Magnússon skoraði eina mark leiksins á lokamínútunni.
Aron Einar Gunnarsson var að mati Vísis maður leiksins í dag með átta í einkunn.
Einkunnagjöfina má sjá hér að neðan.
Byrjunarlið:
Hannes Þór Halldórsson, markvörður 7
Hafði merkilega lítið að gera, þökk sé frábærum varnarleik Íslendinga. Varði langskot frá Marcelo Brozovic og greip vel inn í.
Birkir Már Sævarsson, hægri bakvörður 7
Lenti ekki í vandræðum með Mario Mandzukic og var að vanda traustur í vörninni. Átti frábæra fyrirgjöf á Jóhann Berg skömmu áður en sigurmarkið kom.
Kári Árnason, miðvörður 8
Sterkur í vörninni og samvinna hans og Ragnars var einu sinni sem oftar til fyrirmyndar. Sendingarnar út úr vörninni misjafnar.
Ragnar Sigurðsson, miðvörður 8
Öruggur og yfirvegaður. Engin vandræði á þeim bænum. Ekkert ryð í Ragnari þrátt fyrir rakmarkaðan spilatíma í vetur.
Hörður Björgvin Magnússon, vinstri bakvörður 8
Hans langbesti landsleikur og leikur sem hann mun sennilega aldrei gleyma. Sterkur í loftinu og stóðst öll próf sem Króatarnir lögðu fyrir hann. Og skoraði auðvitað sigurmarkið.
Jóhann Berg Guðmundsson, hægri kantur 6
Beinskeyttur framan af og var hættulegur úti hægra megin. Komst lítið í takt við leikinn í seinni hálfleik þegar við héldum boltanum illa.
Aron Einar Gunnarsson, miðjumaður 8 - maður leiksins
Frábær leikur hjá fyrirliðanum. Vann gríðarlega vel, slökkti elda út allan völl og gaf miðjumönnum Króatíu lítinn tíma með boltann. Skilaði boltanum vel frá sér.
Emil Hallfreðsson, miðjumaður 7
Fékk tækifæri á miðjunni sem hann beðið lengi eftir. Á köflum full lengi að skila boltanum frá sér. Varðist vel og gaf Aroni Einari svigrúm til að fara framar í pressu.
Birkir Bjarnason, vinstri kantmaður 6
Átti ágætis spretti og vann vel.
Gylfi Þór Sigurðsson, framherji 8
Lagði upp sigurmarkið með einni af sínum frábæru hornspyrnum. Var gríðarlega duglegur og pressaði varnarmenn Króata stíft. Gerði vel þegar hann fékk boltann sem var full sjaldan.
Alfreð Finnbogason, framherji 6
Vann vel en fékk úr litlu að moða.
Varamenn:
Björn Bergmann Sigurðarson - (Kom inn á fyrir Alfreð Finnbogason á 77. mínútu)
Kom inn á með kraft og aukinn sóknarþunga. Spilaði ekki nógu lengi til að fá einkunn.
Rúrik Gíslason - (Kom inn á fyrir Birki Bjarnason á 80. mínútu)
Spilaði ekki nógu lengi til að fá einkunn.
Sverrir Ingi Ingason - (Kom inn á fyrir Ragnar Sigurðsson á 90. mínútu)
Spilaði ekki nógu lengi til að fá einkunn.
