Aron Einar og Kristbjörg njóta lífsins á Maldíveyjum í brúðkaupsferðinni

Kristbjörg Jónasdóttir, afrekskona í fitness, og Aron Einar Gunnarsson, fyrirliði íslenska landsliðsins í knattspyrnu, gengu í það heilaga síðdegis á laugardaginn. Athöfnin fór fram í Hallgrímskirkju. Hjónavígslunni verður að vonum ákaft fagnað að athöfninni lokinni í návist vina og ættingja en Kolfinna Von var veislustjóri á Korpúlfstöðum ásamt Rúrik.

Kristbjörg og Aron Einar hafa verið í sambandi í rúm fjögur ár og eiga þau soninn Ólíver Breka. Fjölskyldan er búsett í Cardiff í Wales þar sem Aron Einar spilar með liði borgarinnar. Kristbjörg kemur frá Reykjavík en Aron Einar kemur frá Akureyri þar sem hann tók sín fyrstu skref í knattspyrnu.

Jökull í Kaleo mætti gagngert frá Bandaríkjunum til að koma fram í brúðkaupinu og flaug síðan strax í einkaflugvél til Amsterdam að spila á næstu tónleikum. Fresta þurfti fjölmörgum tónleikum sveitarinnar vegna veikinda Jökuls á dögunum, en það stöðvar ekkert brúðkaupið hjá þessu ofurpari. Jón Jónsson, Friðrik Dór Jónsson, Sverrir Bergmann, Skytturnar og Emmsjé Gauti komu einnig fram.

Myndir úr veislunni má sjá hér að neðan.

Aron Einar greinir frá því á Instagramsíðu sinni (@arongunnarsson) að hjónin séu komin á Maldíveyjar í brúðkaupsferð en þar má sjá að ferðalagið hefur verið nokkuð langt. Þau gista á mjög fallegu hóteli og ná án efa að njóta sín í botn.

Maldíveyjar er draumaáfangastaður allt árið um kring. Þar finnur þú maður silkimjúkar strendur, turkísbláa sjó og í raun allt sem hugurinn girnist. Hitastigið er um þrjátíu stig allt árum um kring.

Maldíveyjar eru eyríki í Indlandshafi, suðsuðvestur af Indlandsskaga. Eyjarnar eru tvær samsíða raðir baugeyja í Lakshadweep-hafi um 700 kílómetrum suðvestan við Srí Lanka og 400 kílómetrum suðvestan við Indland. Þær eru 26 talsins með 1.196 kóraleyjum eins og segir á Wikipedia.