Þjóðin áfram í partígír Tómas Þór Þórðarson skrifar 12. júlí 2017 06:00 Guðbjörg Gunnarsdóttir er á leið á sitt þriðja Evrópumót. Markvörðurinn öflugi er klár í slaginn fyrir átökin í Hollandi. vísir/vilhelm „Eftirvæntingin er orðin ótrúlega mikil. Ég var að máta ferðadressið okkar í gær og taka eina „selfie“,“ segir Guðbjörg Gunnarsdóttir, markvörður íslenska kvennalandsliðsins í fótbolta, en stelpurnar okkar æfðu á Laugardalsvellinum í gær eftir skemmtilega helgi á Selfossi þar sem var æft og farið í mikið hópefli. „Við erum búnar að fá töskur þannig að mér finnst ég tilbúin til að pakka niður og fara. Þannig var allavega tilfinningin í gærkvöldi,“ segir Guðbjörg og hlær en spenningurinn í loftinu var mikill á æfingunni í gær enda var þá slétt vika í fyrsta leik á móti Frakklandi. Íslenska liðið heldur utan á föstudaginn og verður mikið húllumhæ í Leifsstöð þegar stelpurnar verða kvaddar.Gott að fá æfingar Freyr Alexandersson landsliðsþjálfari tók þá ákvörðun að spila ekki vináttuleiki í þessum mánuði heldur nýta allan tímann eftir að liðið kom saman til æfinga. Guðbjörg skildi þessa ákvörðun og er mjög sammála henni núna. „Ef maður tekur ákvörðun verður þú að lifa með henni. Ef við værum að spila leik þá værum við gíraðar í það. Ég var persónulega mjög ánægð með að fá þessar æfingar. Varnarmennirnir mínir spila ekki með mér í félagsliðum. Við erum allar hver í sínu liðinu þannig að þetta er dýrmætur tími sem við fáum. Við getum gert mistök á æfingum og séð hvað við þurfum að bæta. Þegar maður er að spila er maður meira að hugsa um að vinna leikinn,“ segir Guðbjörg en dagarnir eru þó ekki margir sem Freyr hefur fengið með stelpunum. „Við þurfum að nýta æfingarnar vel. Þó að þetta sé „langur“ tími þá er þetta ekkert hrikalega mikið af æfingum. Við þurfum að nýta hverja einustu æfingu til að fara yfir öll smáatriði og ná þessari tengingu á milli markvarðar, varnar og miðju.“Mega ekki vera hræddar Íslenska landsliðið hefur orðið fyrir miklum skakkaföllum undanfarin misseri. Freyr og stelpurnar eru fyrir löngu orðin þreytt á þessu en áfram halda meiðslin að detta inn. Rakel Hönnudóttir, fyrirliði Breiðabliks, tognaði í síðasta leik Blika áður en kom að EM-fríinu og er óttast að hún missi allavega af fyrsta leiknum á móti Frakklandi á þriðjudaginn í Tilburg. Þrátt fyrir að enginn vilji meiðast þýðir samt ekkert að hugsa of mikið um það, segir Guðbjörg, það er bara hættulegra ef eitthvað er. „Við erum mjög meðvitaðar um að lítil tognun getur skemmt keppnina fyrir leikmönnum. Þá er þetta bara búið. Málið er bara að ef þú ferð hrædd inn á æfingu er miklu meiri séns á að þú verðir fyrir meiðslum. Við förum alveg inn í návígi á æfingum þó við gerum það ekki á heimskulegan hátt. Það þarf að finna jafnvægi í þessu öllu,“ segir markvörðurinn.Fyllist þjóðarstolti Áhuginn á íslenska liðinu og fjölmiðlaumfjöllunin hefur aldrei verið meiri. Stelpurnar eru úti um allt á veggspjöldum og í viðtölum, þær eru stöðvaðar úti á götu og þeim óskað velfarnaðar og ungir fótboltakrakkar flykkjast að þeim til að fá eiginhandaráritanir þegar það er í boði. „Þetta fyllir mig þjóðarstolti. Ég er stolt af samfélaginu okkar. Það er svo mikill jafnréttishugur í Íslendingum. Það er svo mikill hugur í Íslendingum og það var geggjað að sjá hvað strákarnir fengu í fyrra. KSÍ lærði svo mikið af þeirri keppni og þjóðin er að halda áfram í þessu partíi. Núna erum þetta við og það eru allir með. Maður finnur fyrir ótrúlega miklum krafti frá öllum,“ segir Guðbjörg en íslenskir stuðningsmenn verða líklega fjölmennastir allra á EM í Hollandi.Halda frekar með Íslandi „Það er geggjað að það séu svona margir Íslendingar að koma með út. Við höfum aldrei spilað erlendis fyrir framan svona marga Íslendinga. Þessir litlu hlutir í leikjum geta alveg fallið með okkur vegna þrýstings úr stúkunni. Kannski fellur einhver inni í teig og dómarinn er að spá í hvort þetta sé víti og sér svo 3.000 tryllta Íslendinga öskra „penalty“ þá gætum við alveg fengið víti út af því,“ segir Guðbjörg sem verður líka vör við áhuga á liðinu og velvilja að utan. „Það er fullt af útlendingum sem koma til mín og eru að segja að við séum alveg geggjuð og spyrja hvað sé að gerast á Íslandi. Við erum ekki bara að fá athygli á Íslandi. Það er fullt af Svíum sem finnst við geggjuð og það eru alveg Svíar með mér í liði og fleiri sem ég þekki úti sem halda með okkur frekar en Svíþjóð,“ segir Guðbjörg Gunnarsdóttir. EM 2017 í Hollandi Mest lesið Markvörður Real í fýlu og mætir ekki til Íslands Fótbolti Sammála Eiði pabba sínum um heimskupör Fótbolti Segir leikmenn í gullkynslóð Englands hafa verið „sjálfhverfir lúserar“ Enski boltinn McGregor í langt bann en gæti keppt í Hvíta húsinu Sport Lugu til um afa og ömmur sjö landsliðsmanna Fótbolti Varar við því að Norðmönnum gæti verið dæmdur leikurinn tapaður Fótbolti Aðdáendur pirraðir eftir „ákvörðun“ LeBron James Körfubolti Vilja vopnahlé út um allan heim yfir Ólympíuleikana Sport „Ef ég finn leikmann sem ég tel að bæti liðið þá tek ég hann“ Sport Erika Nótt segir að nú sé tími til að hlusta á konurnar Sport Fleiri fréttir Króati tekur við kvennaliði Keflavíkur Varar við því að Norðmönnum gæti verið dæmdur leikurinn tapaður Segir leikmenn í gullkynslóð Englands hafa verið „sjálfhverfir lúserar“ Markvörður Real í fýlu og mætir ekki til Íslands Lugu til um afa og ömmur sjö landsliðsmanna Sammála Eiði pabba sínum um heimskupör Glódís gat ekki stöðvað slátrunina Gætu kvatt Bestu deildina án þjálfarans og lykilmanna „Maður verður bara að styðja við bakið á honum“ Annar fóstbróðir Messis lætur gott heita „Skoraði í fyrsta leik og hef ekki hætt síðan“ Raya að skrifa undir nýjan samning Haaland hefur skorað á öllum völlum nema einum Tíu milljóna punda kjarakaup Sölvi hæstánægður með Gylfa og vill sjá hann í landsliðinu Þorlákur verður áfram með Eyjamenn John Stones íhugaði að hætta í fótbolta Engar leynilegar viðræður í gangi um framtíð Meistaradeildarinnar Hvetur fólk til að skipta Gyökeres og Joao Pedro út ef þeir taka ekki vítin Hefur verið í liðinu eftir að ný leikstaða uppgötvaðist í Sambandsdeildinni „Enginn vissi hvað ég var að ganga í gegnum“ Er eitthvað óeðlilegt að búið sé að gagnrýna þetta Valslið? Metár hjá David Beckham Rooney gagnrýnir Mo Salah og vill færa hann til á vellinum „Mér finnst hún skipta sér af málum sem koma henni ekki við“ Bjargaði lífi mótherja í miðjum leik „Skil ekki hvernig má kýla einhvern í andlitið?“ Hafa fengið áttatíu prósent stiga í boði með Gunnar í byrjunarliðinu Uppgjörið: Valur - Stjarnan 1-3 | Stjarnan lyftir sér upp í fjórða Fótboltaiðkendur með fatlanir kíktu á landsliðsæfingu Sjá meira
„Eftirvæntingin er orðin ótrúlega mikil. Ég var að máta ferðadressið okkar í gær og taka eina „selfie“,“ segir Guðbjörg Gunnarsdóttir, markvörður íslenska kvennalandsliðsins í fótbolta, en stelpurnar okkar æfðu á Laugardalsvellinum í gær eftir skemmtilega helgi á Selfossi þar sem var æft og farið í mikið hópefli. „Við erum búnar að fá töskur þannig að mér finnst ég tilbúin til að pakka niður og fara. Þannig var allavega tilfinningin í gærkvöldi,“ segir Guðbjörg og hlær en spenningurinn í loftinu var mikill á æfingunni í gær enda var þá slétt vika í fyrsta leik á móti Frakklandi. Íslenska liðið heldur utan á föstudaginn og verður mikið húllumhæ í Leifsstöð þegar stelpurnar verða kvaddar.Gott að fá æfingar Freyr Alexandersson landsliðsþjálfari tók þá ákvörðun að spila ekki vináttuleiki í þessum mánuði heldur nýta allan tímann eftir að liðið kom saman til æfinga. Guðbjörg skildi þessa ákvörðun og er mjög sammála henni núna. „Ef maður tekur ákvörðun verður þú að lifa með henni. Ef við værum að spila leik þá værum við gíraðar í það. Ég var persónulega mjög ánægð með að fá þessar æfingar. Varnarmennirnir mínir spila ekki með mér í félagsliðum. Við erum allar hver í sínu liðinu þannig að þetta er dýrmætur tími sem við fáum. Við getum gert mistök á æfingum og séð hvað við þurfum að bæta. Þegar maður er að spila er maður meira að hugsa um að vinna leikinn,“ segir Guðbjörg en dagarnir eru þó ekki margir sem Freyr hefur fengið með stelpunum. „Við þurfum að nýta æfingarnar vel. Þó að þetta sé „langur“ tími þá er þetta ekkert hrikalega mikið af æfingum. Við þurfum að nýta hverja einustu æfingu til að fara yfir öll smáatriði og ná þessari tengingu á milli markvarðar, varnar og miðju.“Mega ekki vera hræddar Íslenska landsliðið hefur orðið fyrir miklum skakkaföllum undanfarin misseri. Freyr og stelpurnar eru fyrir löngu orðin þreytt á þessu en áfram halda meiðslin að detta inn. Rakel Hönnudóttir, fyrirliði Breiðabliks, tognaði í síðasta leik Blika áður en kom að EM-fríinu og er óttast að hún missi allavega af fyrsta leiknum á móti Frakklandi á þriðjudaginn í Tilburg. Þrátt fyrir að enginn vilji meiðast þýðir samt ekkert að hugsa of mikið um það, segir Guðbjörg, það er bara hættulegra ef eitthvað er. „Við erum mjög meðvitaðar um að lítil tognun getur skemmt keppnina fyrir leikmönnum. Þá er þetta bara búið. Málið er bara að ef þú ferð hrædd inn á æfingu er miklu meiri séns á að þú verðir fyrir meiðslum. Við förum alveg inn í návígi á æfingum þó við gerum það ekki á heimskulegan hátt. Það þarf að finna jafnvægi í þessu öllu,“ segir markvörðurinn.Fyllist þjóðarstolti Áhuginn á íslenska liðinu og fjölmiðlaumfjöllunin hefur aldrei verið meiri. Stelpurnar eru úti um allt á veggspjöldum og í viðtölum, þær eru stöðvaðar úti á götu og þeim óskað velfarnaðar og ungir fótboltakrakkar flykkjast að þeim til að fá eiginhandaráritanir þegar það er í boði. „Þetta fyllir mig þjóðarstolti. Ég er stolt af samfélaginu okkar. Það er svo mikill jafnréttishugur í Íslendingum. Það er svo mikill hugur í Íslendingum og það var geggjað að sjá hvað strákarnir fengu í fyrra. KSÍ lærði svo mikið af þeirri keppni og þjóðin er að halda áfram í þessu partíi. Núna erum þetta við og það eru allir með. Maður finnur fyrir ótrúlega miklum krafti frá öllum,“ segir Guðbjörg en íslenskir stuðningsmenn verða líklega fjölmennastir allra á EM í Hollandi.Halda frekar með Íslandi „Það er geggjað að það séu svona margir Íslendingar að koma með út. Við höfum aldrei spilað erlendis fyrir framan svona marga Íslendinga. Þessir litlu hlutir í leikjum geta alveg fallið með okkur vegna þrýstings úr stúkunni. Kannski fellur einhver inni í teig og dómarinn er að spá í hvort þetta sé víti og sér svo 3.000 tryllta Íslendinga öskra „penalty“ þá gætum við alveg fengið víti út af því,“ segir Guðbjörg sem verður líka vör við áhuga á liðinu og velvilja að utan. „Það er fullt af útlendingum sem koma til mín og eru að segja að við séum alveg geggjuð og spyrja hvað sé að gerast á Íslandi. Við erum ekki bara að fá athygli á Íslandi. Það er fullt af Svíum sem finnst við geggjuð og það eru alveg Svíar með mér í liði og fleiri sem ég þekki úti sem halda með okkur frekar en Svíþjóð,“ segir Guðbjörg Gunnarsdóttir.
EM 2017 í Hollandi Mest lesið Markvörður Real í fýlu og mætir ekki til Íslands Fótbolti Sammála Eiði pabba sínum um heimskupör Fótbolti Segir leikmenn í gullkynslóð Englands hafa verið „sjálfhverfir lúserar“ Enski boltinn McGregor í langt bann en gæti keppt í Hvíta húsinu Sport Lugu til um afa og ömmur sjö landsliðsmanna Fótbolti Varar við því að Norðmönnum gæti verið dæmdur leikurinn tapaður Fótbolti Aðdáendur pirraðir eftir „ákvörðun“ LeBron James Körfubolti Vilja vopnahlé út um allan heim yfir Ólympíuleikana Sport „Ef ég finn leikmann sem ég tel að bæti liðið þá tek ég hann“ Sport Erika Nótt segir að nú sé tími til að hlusta á konurnar Sport Fleiri fréttir Króati tekur við kvennaliði Keflavíkur Varar við því að Norðmönnum gæti verið dæmdur leikurinn tapaður Segir leikmenn í gullkynslóð Englands hafa verið „sjálfhverfir lúserar“ Markvörður Real í fýlu og mætir ekki til Íslands Lugu til um afa og ömmur sjö landsliðsmanna Sammála Eiði pabba sínum um heimskupör Glódís gat ekki stöðvað slátrunina Gætu kvatt Bestu deildina án þjálfarans og lykilmanna „Maður verður bara að styðja við bakið á honum“ Annar fóstbróðir Messis lætur gott heita „Skoraði í fyrsta leik og hef ekki hætt síðan“ Raya að skrifa undir nýjan samning Haaland hefur skorað á öllum völlum nema einum Tíu milljóna punda kjarakaup Sölvi hæstánægður með Gylfa og vill sjá hann í landsliðinu Þorlákur verður áfram með Eyjamenn John Stones íhugaði að hætta í fótbolta Engar leynilegar viðræður í gangi um framtíð Meistaradeildarinnar Hvetur fólk til að skipta Gyökeres og Joao Pedro út ef þeir taka ekki vítin Hefur verið í liðinu eftir að ný leikstaða uppgötvaðist í Sambandsdeildinni „Enginn vissi hvað ég var að ganga í gegnum“ Er eitthvað óeðlilegt að búið sé að gagnrýna þetta Valslið? Metár hjá David Beckham Rooney gagnrýnir Mo Salah og vill færa hann til á vellinum „Mér finnst hún skipta sér af málum sem koma henni ekki við“ Bjargaði lífi mótherja í miðjum leik „Skil ekki hvernig má kýla einhvern í andlitið?“ Hafa fengið áttatíu prósent stiga í boði með Gunnar í byrjunarliðinu Uppgjörið: Valur - Stjarnan 1-3 | Stjarnan lyftir sér upp í fjórða Fótboltaiðkendur með fatlanir kíktu á landsliðsæfingu Sjá meira