Steph Curry huggaði strák sem hafði misst pabba sinn | Myndband

NBA-stórstjarnan Stephen Curry sýndi enn á ný fyrir leik Golden State warriors og Dallas Mavericks í vikunni að hann er með risastórt stórt hjarta.

Curry gaf sér þá tíma fyrir leikinn til að hugga ungan strák sem hafði nýverið misst föður sinn í bílslysi.

Myndband náðist af Curry sem var heillengi með stráknum sem er frændi NBA-leikmannsins Devin Harris.

Kdisawarrior náði þessu á myndband sem Bleacher Report vakti athygli á og er hér fyrir neðan.

Before Warriors vs. Mavs, Steph comforts Devin Harris' nephew who lost his dad in a car accident this past Thursday

(via @KDISAWARRIOR) pic.twitter.com/h3uMbdBvaL

— Bleacher Report (@BleacherReport) October 24, 2017

Þetta er ekki í fyrsta sinn sem Stephen Curry sýnir hversu góð manneskja hann er en þarna var nýbúið að sekta hann um 50 þúsund dollara, 5,3 milljónir íslenskra króna, fyrir að kasta gómnum sínum í gólfið þegar hann fékk ekki villu dæmda.

Stephen Curry var með 29 stig, 8 stoðsendingar og 4 stolna bolta í leiknum með lið Golden State vann örugglega með 30 stiga mun. Curry hitti samt aðeins úr 2 af 10 þriggja stiga skotum sínum en setti niður öll þrettán vítin sín.