Körfubolti

Walker snýr aftur til þess að spila með KR bumbunni

Henry Birgir Gunnarsson skrifar
Walker í síðasta leik sínum á Íslandi þar sem hann skoraði 40 stig.
Walker í síðasta leik sínum á Íslandi þar sem hann skoraði 40 stig. vísir/anton
KR-goðsögnin Marcus Walker er á leið aftur til Íslands og mun klæðast KR-búningnum á nýjan leik.

Walker mun spila með KR b í Maltbikarnum gegn Blikum á föstudag. KR b er iðulega kallað KR bumban en þar hafa margar kempurnar spilað síðustu árin.

Einnig hefur heyrst að Helgi Már Magnússon muni spila með Bumbunni í þessum leik.

Walker var ótrúlegur í liði KR leiktíðina 2010-11 er KR varð Íslandsmeistari. Walker skoraði 40 stig í lokaleik tímabilsins er KR vann úrslitaeinvígið gegn Stjörnunni, 3-1.

Eins og sjá má hér að neðan er Walker afar spenntur fyrir því að koma til landsins og skartar enn fallegu KR-tattúi.

Íslenski körfuboltinn

Mest lesið


Fleiri fréttir

Sjá meira


×

Mest lesið