Astros einum sigri frá því að vinna World Series

Houston Astros og LA Dodgers buðu upp á ótrúlegan íþróttakappleik í fimmta leik liðanna í úrslit bandaríska hafnaboltans, World Series, í nótt.

Astros vann leikinn, 13-12, og þurfti aukalotur til þess að fá sigurvegara í þessum magnaða leik. Astros var 12-9 yfir fyrir lokalotuna en þá náði Dodgers að jafna og setja leikinn í aukalotur.

Hetja Astros í leiknum var svo Alex Bregman er hann tryggði liðinu sigur.

Astros er þar með 3-2 yfir í einvígi liðanna og getur tryggt sér meistaratitilinn í MLB-deildinni aðra nótt. Ef það tekst verður það fyrsti titillinn í sögu félagsins.