Alfreð byrjaði gegn Bayern

Alfreð Finnbogason var í byrjunarliði Augsburg sem heimsótti stórlið Bayern Munich í þýsku Bundesligunni.

Alfreð spilaði ekkert með íslenska landsliðinu í æfingaferðinni til Katar, en hann var að ná sér af meiðslum.

Hann var tekinn af velli á 83. mínútu leiksins, þegar staðan var orðin 3-0 fyrir Bayern.

Robert Lewandowski skoraði tvö mörk fyrir Bayern og Arturo Vidal eitt.

Bayern er á toppi deildarinnar með 29 stig og sex stiga forystu á Leipzig í öðru sætinu eftir 12 umferðir.

Augsburg er um miðja deild, í 10. sæti með 16. stig.

Leipzig gerði 2-2 jafntefli á útivelli gegn Bayer Leverkusen, Mainz bar sigurorð af Köln og Wolfsburg sigraði Freiburg 3-1.