Ronaldo lítur ekki út eins og Niall Quinn á nýrri styttu

Mikið grín hefur verið gert af styttunni af Cristiano Ronaldo fyrir utan flugvöllinn á Madeira sem var afhjúpuð fyrr á árinu.

Það kemur ekki mikið á óvart enda líkast styttan Ronaldo afskaplega lítið. Gárungarnir töluðu um að hún líktist frekar Niall Quinn, fyrrverandi leikmanni Manchester City og Sunderland.

Nýlega var ný stytta af Ronaldo afhjúpuð á Real Madrid-safninu. Óhætt er að segja að hún sé öllu betur heppnuð en styttan á Madeira.

Sonur myndhöggvarans Jose Antonio Navarro Arteaga hvatti hann til að gera nýja styttu af Ronaldo eftir að hafa séð furðuverkið á Madeira.

Ronaldo hefur ekki verið heitur í spænsku úrvalsdeildinni á tímabilinu en skoraði langþráð mark í 3-2 sigur á Málaga á laugardaginn.

A new Cristiano Ronaldo statue has been unveiled - but is it better than the original classic?!https://t.co/jr8qRFjUYF pic.twitter.com/Ul6yLuxi80

— Goal (@goal) November 27, 2017