Dópaður með ársgamalt barn í bílnum

Lögreglan á Suðurnesjum hafði um helgina afskipti af ökumanni sem grunaður var um að aka undir áhrifum fíkniefna. Maðurinn var með rúmlega ársgamalt barn sitt í bifreiðinni og ók sviptur ökuréttindum.

Í tilkynningu frá lögreglunni á Suðurnesjum kemur fram að maðurinn hafi viðurkennt neyslu fíkniefna. Var hann handtekinn og fluttur á lögreglustöð og málið tilkynnt barnaverndaryfirvöldum.

„Annar ökumaður, einnig grunaður um fíkniefnaakstur, viðurkenndi að vera með skráningarmerki af annarri bifreið á  sinni auk þess sem hún var ótryggð. Þá var hann ekki með ökuskírteini.

Loks barst lögreglu tilkynning um ofurölvi ökumann sem borgarar höfðu stöðvað við akstur í umdæminu. Hann var handtekinn og færður á lögreglustöð,“ segir í tilkynningu lögreglunnar.