Góður lokakafli skilaði Good Angels sigri

Helena Sverrisdóttir og stöllur í Good Angels Kosice unnu 7. leikinn í röð gegn Horizont Minsk í Austur-evrópsku deildinni í körfubolta í dag en leiknum lauk með 101-66 sigri slóvakíska liðsins.

Var þetta annar leikur liðsins á tveimur dögum en í gær unnu þær þrettán stiga sigur á Al-Riyad, einnig á heimavelli í sömu deild.

Leikurinn var jafn framan af og var jafnt á öllum tölum í hálfleik, 44-44, en í seinni hálfleik var það heimaliðið sem réði öllu.

Náðu þær þrettán stiga forskoti í þriðja leikhluta og unnu fjórða leikhluta 30-8, ótrúlegur lokakafli hjá slóvakíska liðinu.

Helena lék átján mínútur og setti niður átta stig, tók níu fráköst og gaf þrjár stoðsendingar ásamt því að stela tveimur boltum.