Bein útsending: Þögnin, skömmin og kerfið

Í dag fer fram ráðstefna um nauðgun á vegum lagadeildar og sálfræðisviðs Háskólans í Reykjavík í samstarfi við Rannsóknamiðstöð gegn ofbeldi við HA, lögreglustjórann í Vestmannaeyjum, lögreglustjórann á höfuðborgarsvæðinu og Aflið - Samtök gegn kynferðis- og heimilisofbeldi. 

Ráðstefnustjóri er Ólafur Börkur Þorvaldsson dómari við Hæstarétt Íslands. Fjöldi fagaðila mun halda erindi á ráðstefnunni, meðal annars dómsmálaráðherra, lögreglustjórar, saksóknari, dómari og sálfræðingar. Hægt er að fylgjast með ráðstefnunni í beinni útsendingu í spilaranum hér að neðan. Ráðstefnan hefst klukkan 13 en dagskrána má finna neðar í þessari frétt. 

Dagskrá



13.00    Setning

Svala Ísfeld Ólafsdóttir dósent við lagadeild HR.

13.05    Ávarp

Sigríður Andersen dómsmálaráðherra.

13.15 „Ég ætlaði ekki að segja neinum frá.“ Hindranir og hvatar til að segja frá. 

Bryndís Björk Ásgeirsdóttir dósent og Rannveig S. Sigurvinsdóttir nýdoktor við sálfræðisvið HR

13.30 „Ég var kölluð lygari og fleira þaðan af verra.“ Ákvörðun um að kæra nauðgun. 

Svala Ísfeld Ólafsdóttir dósent við lagadeild HR.  

13.45 „Ég vissi að það myndi engin trúa mér, því ég er karlmaður.“ 

Sigrún Sigurðardóttir lektor og formaður Rannsóknamiðstöðvar gegn ofbeldi við HA.

14.00 „En, hvað ef þetta var mér að kenna?“ 

Jokka G. Birnudóttir starfskona hjá Aflinu.

14.15 Vilji til að mæta þörfum brotaþola.  

Sigríður Björk Guðjónsdóttir lögreglustjóri á höfuðborgarsvæðinu.

14.30 Reynslusaga

Kaffihlé

15.00 „Ég missti allan kraft og lamaðist af hræðslu.“ Viðbrögð við nauðgun.

Svala Ísfeld Ólafsdóttir dósent við lagadeild HR og Guðrún Katrín Jóhannesdótttir félagsfræðingur og þerapisti.

15.15 „Ætti ég að kæra?“Áskoranir þolenda sem leita á Neyðarmóttöku við ákvörðun um kæru.

Berglind Guðmundsdóttir, yfirsálfræðingur sálfræðiþjónustu Landspítala og dósent við læknadeild HÍ.

15.30 Pressar lögreglan um of á þolendur að kæra?

Jón H.B. Snorrason saksóknari við embætti ríkissaksóknara. 

15.45 Viðhorf og viðmót. Reynsla og sýn réttargæslumanns. 

Helga Vala Helgadóttir lögmaður og alþingismaður.

16.00 Löggæsla í þágu þolenda.

Páley Borgþórsdóttir lögreglustjóri í Vestmannaeyjum.

16.15 „Trúið þið mér ekki?“

Sigríður Hjaltested héraðsdómari. 

16.30 Umræður 

17.00 Málþingi slitið.