Dembele gæti snúið aftur á morgun

Ungstirnið Ousmane Dembele gæti snúið aftur á fótboltavöllinn á morgun þegar Barcelona mætir Celta Vigo í spænsku bikarkeppninni.

Dembele var keyptur fyrir metfé frá Borussia Dortmund í sumar en náði aðeins þremur leikjum með spænska félaginu áður en hann meiddist aftan í læri í september.

Hann þurfti að gangast undir aðgerð í Finlandi, en var útskrifaður af læknum félagsins í gær og þykir líklegt að hann muni koma við sögu í bikarleiknum annað kvöld.

Frakkinn skoraði 10 mörk í 49 leikjum fyrir Dortmund á síðasta tímabili.