Mörk Guðjóns og Berbatov dugðu ekki til sigurs

Guðjón Baldvinsson var í fyrsta skipti í byrjunarliði Kerala Blasters í indverska boltanum í dag og þakkaði traustið með marki.

Guðjón kom sínu mönnum yfir á 33. mínútu leiksins. Hans fyrsta mark fyrir félagið. Blasters gat þó ekki fagnað markinu lengi því ATK jafnaði fimm mínútum síðar. 1-1 í hálfleik.

Það voru tæpar tíu mínútur liðnar af síðari hálfleik er Búlgarinn Dimitar Berbatov, fyrrum leikmaður Man. Utd, kom Blasters aftur yfir í leiknum. Hann var einnig að skora sitt fyrsta mark fyrir félagið.

Ekki náði Blasters að hanga á þessu marki því ATK jafnaði stundarfjórðungi fyrir leikslok og tryggja sér 2-2 jafntefli. Blasters er í fimmta sæti indversku deildarinnar.