Eitt tattú og þú færð frítt á leiki liðsins það sem eftir lifir ævinnnar

Þýska félagið Hertha Berlin fer nýja leið í að bjóða stuðningsmönnum sínum frían ársmiða á heimaleiki liðsins á Ólympíuleikvanginum í Berlín.

Hertha Berlin hefur nefnilega sett af stað samkeppni til að finna einneinstakling sem fær ársmiða á heimaleiki Hertha Berlin það sem eftir lifir ævi sinnar.

Viðkomandi sigurvegari þessa leiks þarf hinsvegar að fórna eigin skinni til að vinna eilífðar ársmiðann. Hann þarf nefnilega að vera tilbúinn og fá á sig eitt veglegt tattú tengt félaginu eins og sést í myndbandinu hér fyrir neðan.

Die Dauerkarte deines Lebens: Dein Saisonticket ein Leben lang tätowiert – auf deinem Arm!  #BSCTSG#hahohepic.twitter.com/NFgI3EhESY

— Hertha BSC (@HerthaBSC) February 1, 2018

Þeir sem ætla að taka þátt verða að skila inn umsókninni fyrir 8. febrúar. Viðkomandi þarf líka að senda inn mynd eða myndband til að sýna hversu mikill stuðningsmaður Herthu Berlin hann eða hún eru.