Samdi heimsfrægt lag en skrifar ósjaldan gúmmítékka fyrir mat Garðar Örn Úlfarsson skrifar 5. apríl 2018 10:00 Jóhann Helgason í Hljóðrita í Hafnarfirði í gær þar sem Söknuður var tekinn upp á plötu árið 1977. Fréttablaðið/Eyþór tónlist „Ég get ekki verið að naga mig í handarbökin í ruggustólnum,“ segir Jóhann Helgason sem kynnti á blaðamannafundi í gær framhald málareksturs til að fá viðurkenndan höfundarrétt á laginu You Raise Me Up. Söngvarinn Josh Groban gerði You Raise Me Up heimsfrægt og er lagið eignað Norðmanninum Rolf Løvland sem samdi norska Eurovision-sigurlagið La det svinge. Jóhann lýsti hvernig hann fékk fyrst pata af útgáfu Grobans á árinu 2004 og hóf málshöfðun í Bretlandi. Botninn hafi dottið út henni. Aftur hafi verið farið af stað en málið stöðvast vegna skorts á fjármögnun á árinu 2011. „Við vonumst til að þetta gefi fjármögnuninni byr undir vængi,“ sagði Jóhann um nýja útgáfu af Söknuði sem hann kynnti í gær. Þar syngur Edgar Smári Atlason Söknuð með enskum texta undir heitinu Into the Light. Útgáfunni er ætlað að undirstrika afgerandi líkindi You Raise Me Up og Saknaðar. Í fræðilegri greiningu fyrir STEF á árinu 2004 eru lögin sögð sláandi lík. Jon Kjell Seljeseth, sem útsetti nýju útgáfuna, sagði á fundinum að Rolf Løvland hefði örugglega fengið gefna kassettu með Söknuði á í tengslum við Eurovision söngvakeppnina. Auk þess hafi hann haft ýmis tækifæri til að komast í snertingu við lagið, meðal annars í heimsóknum til Íslands.Klippa: Blaðamannafundur Jóhanns Helgasonar - Bein útsending Sigtryggur Baldursson, formaður ÚTÓN, útflutningsskrifstofu íslenskrar tónlistar, sagði málið snúast um peninga. „Þetta er spurning hvor hefur efni á stærri lögfræðingi,“ sagði Sigtryggur. Hilmar Foss, sem aðstoðað hefur Jóhann, tók í svipaðan streng. „Þetta er múrveggur sem er þykkur, hár og stór.“ Þótt hindranirnar virðist óyfirstíganlegar kveðst Jóhann verða að halda áfram. Lögmannsstofa hafi þegar sent kröfubréf til Universal sem vísi öllu á bug. Jóhann bendir á að málið hefði farið á annan veg ef Söknuður hefði verið skráð hjá Warner Chapell þar sem hann var á samningi er lagið var samið árið 1977. „Þeir hefðu náttúrlega afgreitt þetta mál strax í byrjun,“ segir hann við Fréttablaðið. Þess í stað stendur Jóhann nú einn í baráttu við útgáfurisann Universal Music sem mun hafa sjö þúsund starfsmenn í vinnu og velta jafnvirði 700 milljarða króna á ári. „Þeir vilja ekki semja og Universal treystir á að ég fái enga fjármögnun,“ segir Jóhann sem kveður enda tvísýnt um það. Tryggja þurfi á annað hundrað milljónir króna fyrirfram. „En við teljum að þetta muni opna augu margra. Þetta er áhættufjárfesting en það getur verið mikill hagnaður.“ Sjálfur kveðst Jóhann aldrei hafa rætt við Løvland um málið. Norska blaðið Verdens Gang hafi í umfjöllum um Løvland sagt hann lifa hátt á þessu eina lagi. „Það eru ótal aðilar búnir að raka inn fé á þessu lagi. En ég er í fjölbýlishúsi úti á Nesi og er búinn að skrifa ótal gúmmítékka fyrir mat,“ segir tónskáldið hreint út. Jóhann bætir við að 99 prósent af íslenskri tónlist séu lítt varin fyrir stuldi erlendra stórfyrirtækja. „En hvort sem stolið er sjónvarpi, bíl eða lagi þá er það ekkert í lagi. Rétt skal vera rétt.“ Jóhann Helgason gegn Universal Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Ólafur Ragnar skellti sér á sæþotu eftir langan dag Lífið Gómsætar haustkökur að hætti Elenoru Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið Áslaug Arna fór í meðferð til að vinna bug á köngulóafælni Lífið Fleiri fréttir Space Odyssey opnar á nýjum stað Dr. Gunni spyr hvort það sé ekki bara búið að vera gaman Afhjúpað á hvaða dögum böndin spila á Airwaves Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira
tónlist „Ég get ekki verið að naga mig í handarbökin í ruggustólnum,“ segir Jóhann Helgason sem kynnti á blaðamannafundi í gær framhald málareksturs til að fá viðurkenndan höfundarrétt á laginu You Raise Me Up. Söngvarinn Josh Groban gerði You Raise Me Up heimsfrægt og er lagið eignað Norðmanninum Rolf Løvland sem samdi norska Eurovision-sigurlagið La det svinge. Jóhann lýsti hvernig hann fékk fyrst pata af útgáfu Grobans á árinu 2004 og hóf málshöfðun í Bretlandi. Botninn hafi dottið út henni. Aftur hafi verið farið af stað en málið stöðvast vegna skorts á fjármögnun á árinu 2011. „Við vonumst til að þetta gefi fjármögnuninni byr undir vængi,“ sagði Jóhann um nýja útgáfu af Söknuði sem hann kynnti í gær. Þar syngur Edgar Smári Atlason Söknuð með enskum texta undir heitinu Into the Light. Útgáfunni er ætlað að undirstrika afgerandi líkindi You Raise Me Up og Saknaðar. Í fræðilegri greiningu fyrir STEF á árinu 2004 eru lögin sögð sláandi lík. Jon Kjell Seljeseth, sem útsetti nýju útgáfuna, sagði á fundinum að Rolf Løvland hefði örugglega fengið gefna kassettu með Söknuði á í tengslum við Eurovision söngvakeppnina. Auk þess hafi hann haft ýmis tækifæri til að komast í snertingu við lagið, meðal annars í heimsóknum til Íslands.Klippa: Blaðamannafundur Jóhanns Helgasonar - Bein útsending Sigtryggur Baldursson, formaður ÚTÓN, útflutningsskrifstofu íslenskrar tónlistar, sagði málið snúast um peninga. „Þetta er spurning hvor hefur efni á stærri lögfræðingi,“ sagði Sigtryggur. Hilmar Foss, sem aðstoðað hefur Jóhann, tók í svipaðan streng. „Þetta er múrveggur sem er þykkur, hár og stór.“ Þótt hindranirnar virðist óyfirstíganlegar kveðst Jóhann verða að halda áfram. Lögmannsstofa hafi þegar sent kröfubréf til Universal sem vísi öllu á bug. Jóhann bendir á að málið hefði farið á annan veg ef Söknuður hefði verið skráð hjá Warner Chapell þar sem hann var á samningi er lagið var samið árið 1977. „Þeir hefðu náttúrlega afgreitt þetta mál strax í byrjun,“ segir hann við Fréttablaðið. Þess í stað stendur Jóhann nú einn í baráttu við útgáfurisann Universal Music sem mun hafa sjö þúsund starfsmenn í vinnu og velta jafnvirði 700 milljarða króna á ári. „Þeir vilja ekki semja og Universal treystir á að ég fái enga fjármögnun,“ segir Jóhann sem kveður enda tvísýnt um það. Tryggja þurfi á annað hundrað milljónir króna fyrirfram. „En við teljum að þetta muni opna augu margra. Þetta er áhættufjárfesting en það getur verið mikill hagnaður.“ Sjálfur kveðst Jóhann aldrei hafa rætt við Løvland um málið. Norska blaðið Verdens Gang hafi í umfjöllum um Løvland sagt hann lifa hátt á þessu eina lagi. „Það eru ótal aðilar búnir að raka inn fé á þessu lagi. En ég er í fjölbýlishúsi úti á Nesi og er búinn að skrifa ótal gúmmítékka fyrir mat,“ segir tónskáldið hreint út. Jóhann bætir við að 99 prósent af íslenskri tónlist séu lítt varin fyrir stuldi erlendra stórfyrirtækja. „En hvort sem stolið er sjónvarpi, bíl eða lagi þá er það ekkert í lagi. Rétt skal vera rétt.“
Jóhann Helgason gegn Universal Mest lesið „Það braut ísinn að við hefðum deitað sama gaurinn“ Lífið „Ég var heppinn. En ekki hann“ Lífið „Það er önnur hver gella með í vörunum“ Lífið Karlmennskuhlaðvarpið heyrir sögunni til Lífið Fréttatía vikunnar: Körfubolti, laxaastmi og stýrivextir Lífið Ólafur Ragnar skellti sér á sæþotu eftir langan dag Lífið Gómsætar haustkökur að hætti Elenoru Lífið Simmi Vill og Sunneva Einars létu sig ekki vanta á Jókerinn Lífið Skrúfaði titrarann í sundur til að forða nágrönnum frá ónæði Lífið Áslaug Arna fór í meðferð til að vinna bug á köngulóafælni Lífið Fleiri fréttir Space Odyssey opnar á nýjum stað Dr. Gunni spyr hvort það sé ekki bara búið að vera gaman Afhjúpað á hvaða dögum böndin spila á Airwaves Reyna að eyða minningum um hvort annað í sturluðum dansi Frumsýning á Vísi: Rokkað á miðju gólfi komin sjö mánuði á leið „Þetta er sem betur fer ekki upp á líf og dauða“ Ævintýrin hófust þegar hann hafnaði Juilliard Enginn súr í sætu teiti í Ásmundarsal „Ég fæ morgnana til að vera bara ég“ Rokkþyrstir geta tekið gleði sína á ný Sigga Ózk verður Ariana Grande og flytur til Noregs Ávísun á eilíf vonbrigði að elta góða veðrið Frumsýning á Vísi: Landsliðsmaður gefur út lag með pabba sínum Taylor Swift jafnaði met Beyoncé á VMA Myndaveisla: Ofurfjör á Októberfest Sáu ekki fyrir sér vinsældirnar en fagna nú 36 árum Sergio Mendes höfundur Mas Que Nada látinn Gáfu tóndæmi af Barfly í beinni Aldrei séð annað eins: IceGuys seldi nítján þúsund miða Herra Hnetusmjör stoltur eftir tryllta afmælishelgi Samtalið órjúfanlegur hluti af sköpuninni Sjá meira