Salah: Ætlaði alltaf að koma aftur og sýna fólki hvað ég get

Leikmenn ensku úrvalsdeildarinnar kusu Mohamed Salah, leikmann Liverpool, sem leikmann ársins. Hann hafði betur í kjörinu gegn Kevin de Bruyne, Harry Kane, Leroy Sane, David Silva og David de Gea.

„Þetta er mikill heiður og sérstaklega þar sem það eru leikmenn sem kjósa. Ég er glaður og stoltur,“ sagði Salah sem var að mæta í enska boltann í annað sinn. Hann var áður hjá Chelsea en millilenti í Roma áður en hann kom til Liverpool.

„Ég fékk ekki tækifæri hjá Chelsea en það var alltaf ljóst að ég myndi koma aftur og sýna fólki hvað ég get. Ég kom til baka sem breyttur maður. Líka sem breyttur fótboltamaður.“

Salah er búinn að skora 31 deildarmark í 33 leikjum og er markahæstur.

Leroy Sane hjá Man. City var valinn besti ungi leikmaðurinn og Fran Kirby hjá Chelsea var valin best í kvennaboltanum.