Vill verða Díana númer 2 Kolbrún Bergþórsdóttir skrifar 5. maí 2018 08:30 Meghan og Harry ljóma venjulega af hamingju þegar þau sjást saman. Þau ganga í hjónaband 19. maí. NordicPhotos/getty Mikil eftirvænting ríkir vegna væntanlegs brúðkaups Harry Bretaprins og hinnar bandarísku Meghan Markle, sem haldið verður hinn 19. maí. Fyrir einhverjum áratugum hefði verið óhugsandi að bandarísk fráskilin kona, dóttir blökkukonu, giftist inn í bresku konungsfjölskylduna. Athygli hefur vakið að engum þjóðarleiðtogum, hvorki núverandi né fyrrverandi, er boðið í brúðkaupið. Sagt er að Harry hafi viljað bjóða Barack Obama en vel hefur farið á með þeim. Breska ríkisstjórnin er sögð hafa lagst gegn því þar sem túlka hefði mátt það boð sem verið væri að gefa Donald Trump langt nef. Um 600 manns er boðið til brúðkaupsins og 2.600 óbreyttum borgurum er boðið í móttöku á þessum hátíðisdegi. Hin 36 ára gamla verðandi brúður er stöðugt umfjöllunarefni fjölmiðla og prýðir forsíður blaða og tímarita. Einnig hafa komið út bækur um hana, sú sem mesta athygli vekur er Meghan: A Hollywood Princess, en höfundurinn er Andrew Morton, höfundur metsölubókarinnar Diana: Her True Story. Meghan mun reyndar hafa lesið þá bók, enda lítur hún að sögn á Díönu prinsessu sem fyrirmynd sína og dáist að mannúðarstörfum hennar. Á sínum tíma horfði hún á jarðarför Díönu með vinkonum sínum og tárin streymdu niður kinnar þeirra. Æskuvinkona hennar segir að Meghan hafi ætíð viljað verða Díana númer tvö.Meghan virkaði yfirleitt mjög uppstillt á myndum með eiginmanninum Trevor Engelson.Sundruð fjölskylda Foreldrar hennar, blökkukonan Doria Ragland förðunarmeistari og faðirinn, Tom Markle ljósamaður, kynntust við gerð sjónvarpsþáttanna General Hospital. Tom á tvö börn af fyrra hjónabandi, Samönthu og Thomas. Meghan er einkabarn foreldra sinna og varð strax augasteinn föður síns. Foreldrarnir skildu þegar Meghan var tveggja ára gömul og enn mun kalt á milli þeirra. Sú úlfúð er sögð hafa sett mark sitt á Meghan. Undanfarin ár hefur Meghan lítið sem ekkert talað við hálfsystur sína og hálfbróður sinn sá hún síðast árið 2011. Samantha hefur lýst Meghan sem ofur metnaðargjarni og sjálfhverfri konu. Thomas sagði nýlega að Meghan væri engin Díana, hún væri ekki ekta. Hann sagði hana vera að sundra fjölskyldunni með því að bjóða ekki nánum ættingjum til brúðkaupsins. Hvorki Samantha né Thomas hafa fengið boðskort, en talið er víst að faðir og móðir Meghan muni verða í hópi boðsgesta. Samantha og Thomas vinna, hvort í sínu lagi, að bók um hálfsystur sína.Skrifaði Hillary Clinton Móðir Meghan er sögð afar sjálfstæð kona sem láti engan vaða yfir sig. Meghan er sögð líkjast henni að því leyti. Meghan var einungis ellefu ára þegar hún sá ástæðu til að bregðast við fullyrðingu í auglýsingu um uppþvottalög en varan var auglýst með orðunum: Konur um alla Ameríku eiga í baráttu við fituga potta og pönnur. Hún lét sér ekki einungis nægja að skrifa stjórnarformanni fyrirtækisins bréf heldur skrifaði einnig til forsetafrúarinnar Hillary Clinton og fór fram á að setningunni yrði breytt í: Fólk um alla Ameríku á í baráttu við fituga potta og pönnur. Auglýsingunni var breytt eins og Meghan hafði lagt til. Þetta framtak Meghan varð til þess að sjónvarpsstöðvar gerðu sér ferð í skóla hennar til að taka viðtöl við hana. Mörgum árum síðar þegar Meghan var orðin þekkt fyrir leik sinn í sjónvarpsþáttunum Suits kvartaði hún undan því við framleiðendur þáttanna að of mörg óþörf atriði snerust um að sýna hana hálfnakta. Þessu var samstundis breytt.Meghan og Kate, eiginkona Vilhjálms prins, eru sagðar ná vel saman.Sendi giftingarhringinn í pósti Meghan ákvað að leggja fyrir sig leiklist. Þar þurfti hún að sýna þrautseigju og vann fyrir sér í Los Angeles sem þjónustustúlka á veitingahúsi og hraðritari milli þess sem hún lék smáhlutverk í sjónvarpi og kvikmyndum. Hún kynntist framleiðandanum Trevor Engelson og var trúlofuð honum þegar hún fékk hlutverk í sjónvarpsþáttunum Suits sem teknir voru upp í Kanada. Þetta kostaði miklar fjarvistir við unnustann sem þau settu ekki fyrir sig og gengu í hjónaband eftir að hafa verið í sambandi í sjö ár. Vinsældir þáttanna jukust jafn og þétt og Meghan var orðin fræg og eftirsótt. Í ævisögu Andrew Morton kemur fram að Meghan sé afar metnaðargjörn og að vinir hennar í áraraðir hafi tekið eftir breytingu á henni þegar hún var farin að njóta velgengni því hún hafði ekki lengur tíma til að hitta þá. Meghan sagði eitt sinn að hún gæti ekki ímyndað sér lífið án Trevors. Það breyttist fljótlega eftir að þau gengu í hjónaband. Hún er að eigin sögn haldin fullkomnunaráráttu en hann er þekktur fyrir kæruleysi, er til dæmis með endemum óstundvís. Meghan ákvað að skilja við mann sinn eftir tveggja ára hjónaband og sagt er að hún hafi undirstrikað þá ákvörðun sína með því að senda honum giftingarhring sinn og trúlofunarhring í ábyrgðarpósti. Ákvörðun Meghan kom Trevor mjög á óvart og sagt er að hann líti svo á að hún hafi komið afar illa fram við hann. Þegar fjölmiðlar leita hann uppi til að fá hann til að ræða um Meghan er viðkvæði hans: „Ég hef ekkert um hana að segja.“ Trevor virðist samt eiga ýmislegt ósagt en hann er um þessar mundir að framleiða sjónvarpsþætti um mann sem á fyrrverandi eiginkonu sem giftist inn í bresku konungsfjölskylduna.Meghan Markle verður senn hluti af bresku konungsfjölskyldunni.Kýs hamingjuna Mottó Meghan er: „Ég kýs hamingjuna.“ Hún virðist sannarlega hafa fundið hamingjuna með Harry Bretaprinsi en sameiginlegur vinur kynnti þau í júlímánuði 2016. Það var ást við fyrstu sýn. Eftir nokkurra mánaða kynni bauð Harry Meghan í safaríferð til Afríku. Hún var fjórða vinkonan sem hann bauð til Afríku. Þau bjuggu síðan saman á heimili Harrys, Nottingham Cottage, sem er í grennd við Kensington og mun vera mun minna en hús hennar í Toronto. Á síðustu vikum hafa sérfræðingar í líkamstjáningu annars vegar rýnt í myndir sem sýna Meghan með Trevor meðan þau voru gift og hins vegar í myndir af Meghan og Harry. Myndirnar segja gjörólíka sögu. Ekki er hægt að ráða af myndum af Meghan og Trevor að hún sé ástfangin af honum, hún er uppstillt með frosið bros, meðan myndirnar af henni og Harry sýna afslappaða konu sem ljómar af hamingju. Birtist í Fréttablaðinu Kóngafólk Mest lesið Mamma byrjuð að undirbúa stúdentsveislu þegar fregn barst af falli Lífið Elti drauminn og flutti um borð í húsbíl Lífið „Það er galið að sjá fimm manna fjölskyldu sitja saman en öll í símanum“ Áskorun Krakkatían: Nótur, bankar og geitur Lífið Eva flutt inn í verðlaunahús Kára Lífið Ætlar í blómabað á Balí með manninum sínum Lífið Fyndnustu dýralífsmyndir ársins Lífið „Það er einhver sjarmi yfir París sem er ekki annarsstaðar“ Lífið Gaf langömmu tattú í afmælisgjöf Lífið „Þegar menn vaða svona í fjölskylduna mína þá tek ég boxhanskana af“ Lífið Fleiri fréttir Elti drauminn og flutti um borð í húsbíl Mamma byrjuð að undirbúa stúdentsveislu þegar fregn barst af falli Krakkatían: Nótur, bankar og geitur „Það er einhver sjarmi yfir París sem er ekki annarsstaðar“ Gaf langömmu tattú í afmælisgjöf Fréttatía vikunnar: Þingframboð, þýfi og brúarframkvæmdir „Þegar menn vaða svona í fjölskylduna mína þá tek ég boxhanskana af“ Þriðja barnið á leiðinni Eva flutt inn í verðlaunahús Kára Kallaður hinn íslenski Forrest Gump af stóra bróður Heldur ekki vatni yfir konunni sinni Íris Ósk selur tryllt hönnunarhús Maggie Smith er látin Gaf eiginmanninum nektarmynd á stórafmælinu Í hnapphelduna með krókódílamanninum Kolbrún ber laxerolíu á andlitið Íslensk börn skorti meiri aga Ætlar í blómabað á Balí með manninum sínum Minnast Bryndísar Klöru á tónleikum: „Pínulítil hugmynd sem stækkaði og stækkaði“ Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Fagnaðarfundir á fyrstu frumsýningu vetrarins Hvað gerði Diddy? Mansal, ofbeldi og samsæriskenningar um Justin Bieber Sjá meira
Mikil eftirvænting ríkir vegna væntanlegs brúðkaups Harry Bretaprins og hinnar bandarísku Meghan Markle, sem haldið verður hinn 19. maí. Fyrir einhverjum áratugum hefði verið óhugsandi að bandarísk fráskilin kona, dóttir blökkukonu, giftist inn í bresku konungsfjölskylduna. Athygli hefur vakið að engum þjóðarleiðtogum, hvorki núverandi né fyrrverandi, er boðið í brúðkaupið. Sagt er að Harry hafi viljað bjóða Barack Obama en vel hefur farið á með þeim. Breska ríkisstjórnin er sögð hafa lagst gegn því þar sem túlka hefði mátt það boð sem verið væri að gefa Donald Trump langt nef. Um 600 manns er boðið til brúðkaupsins og 2.600 óbreyttum borgurum er boðið í móttöku á þessum hátíðisdegi. Hin 36 ára gamla verðandi brúður er stöðugt umfjöllunarefni fjölmiðla og prýðir forsíður blaða og tímarita. Einnig hafa komið út bækur um hana, sú sem mesta athygli vekur er Meghan: A Hollywood Princess, en höfundurinn er Andrew Morton, höfundur metsölubókarinnar Diana: Her True Story. Meghan mun reyndar hafa lesið þá bók, enda lítur hún að sögn á Díönu prinsessu sem fyrirmynd sína og dáist að mannúðarstörfum hennar. Á sínum tíma horfði hún á jarðarför Díönu með vinkonum sínum og tárin streymdu niður kinnar þeirra. Æskuvinkona hennar segir að Meghan hafi ætíð viljað verða Díana númer tvö.Meghan virkaði yfirleitt mjög uppstillt á myndum með eiginmanninum Trevor Engelson.Sundruð fjölskylda Foreldrar hennar, blökkukonan Doria Ragland förðunarmeistari og faðirinn, Tom Markle ljósamaður, kynntust við gerð sjónvarpsþáttanna General Hospital. Tom á tvö börn af fyrra hjónabandi, Samönthu og Thomas. Meghan er einkabarn foreldra sinna og varð strax augasteinn föður síns. Foreldrarnir skildu þegar Meghan var tveggja ára gömul og enn mun kalt á milli þeirra. Sú úlfúð er sögð hafa sett mark sitt á Meghan. Undanfarin ár hefur Meghan lítið sem ekkert talað við hálfsystur sína og hálfbróður sinn sá hún síðast árið 2011. Samantha hefur lýst Meghan sem ofur metnaðargjarni og sjálfhverfri konu. Thomas sagði nýlega að Meghan væri engin Díana, hún væri ekki ekta. Hann sagði hana vera að sundra fjölskyldunni með því að bjóða ekki nánum ættingjum til brúðkaupsins. Hvorki Samantha né Thomas hafa fengið boðskort, en talið er víst að faðir og móðir Meghan muni verða í hópi boðsgesta. Samantha og Thomas vinna, hvort í sínu lagi, að bók um hálfsystur sína.Skrifaði Hillary Clinton Móðir Meghan er sögð afar sjálfstæð kona sem láti engan vaða yfir sig. Meghan er sögð líkjast henni að því leyti. Meghan var einungis ellefu ára þegar hún sá ástæðu til að bregðast við fullyrðingu í auglýsingu um uppþvottalög en varan var auglýst með orðunum: Konur um alla Ameríku eiga í baráttu við fituga potta og pönnur. Hún lét sér ekki einungis nægja að skrifa stjórnarformanni fyrirtækisins bréf heldur skrifaði einnig til forsetafrúarinnar Hillary Clinton og fór fram á að setningunni yrði breytt í: Fólk um alla Ameríku á í baráttu við fituga potta og pönnur. Auglýsingunni var breytt eins og Meghan hafði lagt til. Þetta framtak Meghan varð til þess að sjónvarpsstöðvar gerðu sér ferð í skóla hennar til að taka viðtöl við hana. Mörgum árum síðar þegar Meghan var orðin þekkt fyrir leik sinn í sjónvarpsþáttunum Suits kvartaði hún undan því við framleiðendur þáttanna að of mörg óþörf atriði snerust um að sýna hana hálfnakta. Þessu var samstundis breytt.Meghan og Kate, eiginkona Vilhjálms prins, eru sagðar ná vel saman.Sendi giftingarhringinn í pósti Meghan ákvað að leggja fyrir sig leiklist. Þar þurfti hún að sýna þrautseigju og vann fyrir sér í Los Angeles sem þjónustustúlka á veitingahúsi og hraðritari milli þess sem hún lék smáhlutverk í sjónvarpi og kvikmyndum. Hún kynntist framleiðandanum Trevor Engelson og var trúlofuð honum þegar hún fékk hlutverk í sjónvarpsþáttunum Suits sem teknir voru upp í Kanada. Þetta kostaði miklar fjarvistir við unnustann sem þau settu ekki fyrir sig og gengu í hjónaband eftir að hafa verið í sambandi í sjö ár. Vinsældir þáttanna jukust jafn og þétt og Meghan var orðin fræg og eftirsótt. Í ævisögu Andrew Morton kemur fram að Meghan sé afar metnaðargjörn og að vinir hennar í áraraðir hafi tekið eftir breytingu á henni þegar hún var farin að njóta velgengni því hún hafði ekki lengur tíma til að hitta þá. Meghan sagði eitt sinn að hún gæti ekki ímyndað sér lífið án Trevors. Það breyttist fljótlega eftir að þau gengu í hjónaband. Hún er að eigin sögn haldin fullkomnunaráráttu en hann er þekktur fyrir kæruleysi, er til dæmis með endemum óstundvís. Meghan ákvað að skilja við mann sinn eftir tveggja ára hjónaband og sagt er að hún hafi undirstrikað þá ákvörðun sína með því að senda honum giftingarhring sinn og trúlofunarhring í ábyrgðarpósti. Ákvörðun Meghan kom Trevor mjög á óvart og sagt er að hann líti svo á að hún hafi komið afar illa fram við hann. Þegar fjölmiðlar leita hann uppi til að fá hann til að ræða um Meghan er viðkvæði hans: „Ég hef ekkert um hana að segja.“ Trevor virðist samt eiga ýmislegt ósagt en hann er um þessar mundir að framleiða sjónvarpsþætti um mann sem á fyrrverandi eiginkonu sem giftist inn í bresku konungsfjölskylduna.Meghan Markle verður senn hluti af bresku konungsfjölskyldunni.Kýs hamingjuna Mottó Meghan er: „Ég kýs hamingjuna.“ Hún virðist sannarlega hafa fundið hamingjuna með Harry Bretaprinsi en sameiginlegur vinur kynnti þau í júlímánuði 2016. Það var ást við fyrstu sýn. Eftir nokkurra mánaða kynni bauð Harry Meghan í safaríferð til Afríku. Hún var fjórða vinkonan sem hann bauð til Afríku. Þau bjuggu síðan saman á heimili Harrys, Nottingham Cottage, sem er í grennd við Kensington og mun vera mun minna en hús hennar í Toronto. Á síðustu vikum hafa sérfræðingar í líkamstjáningu annars vegar rýnt í myndir sem sýna Meghan með Trevor meðan þau voru gift og hins vegar í myndir af Meghan og Harry. Myndirnar segja gjörólíka sögu. Ekki er hægt að ráða af myndum af Meghan og Trevor að hún sé ástfangin af honum, hún er uppstillt með frosið bros, meðan myndirnar af henni og Harry sýna afslappaða konu sem ljómar af hamingju.
Birtist í Fréttablaðinu Kóngafólk Mest lesið Mamma byrjuð að undirbúa stúdentsveislu þegar fregn barst af falli Lífið Elti drauminn og flutti um borð í húsbíl Lífið „Það er galið að sjá fimm manna fjölskyldu sitja saman en öll í símanum“ Áskorun Krakkatían: Nótur, bankar og geitur Lífið Eva flutt inn í verðlaunahús Kára Lífið Ætlar í blómabað á Balí með manninum sínum Lífið Fyndnustu dýralífsmyndir ársins Lífið „Það er einhver sjarmi yfir París sem er ekki annarsstaðar“ Lífið Gaf langömmu tattú í afmælisgjöf Lífið „Þegar menn vaða svona í fjölskylduna mína þá tek ég boxhanskana af“ Lífið Fleiri fréttir Elti drauminn og flutti um borð í húsbíl Mamma byrjuð að undirbúa stúdentsveislu þegar fregn barst af falli Krakkatían: Nótur, bankar og geitur „Það er einhver sjarmi yfir París sem er ekki annarsstaðar“ Gaf langömmu tattú í afmælisgjöf Fréttatía vikunnar: Þingframboð, þýfi og brúarframkvæmdir „Þegar menn vaða svona í fjölskylduna mína þá tek ég boxhanskana af“ Þriðja barnið á leiðinni Eva flutt inn í verðlaunahús Kára Kallaður hinn íslenski Forrest Gump af stóra bróður Heldur ekki vatni yfir konunni sinni Íris Ósk selur tryllt hönnunarhús Maggie Smith er látin Gaf eiginmanninum nektarmynd á stórafmælinu Í hnapphelduna með krókódílamanninum Kolbrún ber laxerolíu á andlitið Íslensk börn skorti meiri aga Ætlar í blómabað á Balí með manninum sínum Minnast Bryndísar Klöru á tónleikum: „Pínulítil hugmynd sem stækkaði og stækkaði“ Húðrútína ekki síður fyrir karlmenn Umdeilt uppáhald arkitekts við Austurvöll Tekinn inn í frægðarhöll rafíþróttanna Lakkrískóngurinn Bülow selur sveitasetrið Skilnaður Step Up hjóna genginn í gegn Fyndnustu dýralífsmyndir ársins Tökumenn LXS yfirheyrðir í 90 mínútur og áttu ekki að fá inngöngu inn í landið Úr Idolinu yfir í útvarpið „Siðlausi siðfræðingurinn“ hreyfir ekki við Stefáni Einari Fagnaðarfundir á fyrstu frumsýningu vetrarins Hvað gerði Diddy? Mansal, ofbeldi og samsæriskenningar um Justin Bieber Sjá meira