Ronaldo: Við erum ekki sigurstranglegir á HM

Cristiano Ronaldo er raunsær á stöðu portúgalska landsliðsins fyrir HM en veit sem er að það er alltaf hægt að koma á óvart í fótbolta.

Portúgalska landsliðið flaug til Rússlands í gær en Portúgal er í B-riðli með Spáni, Marokkó og Íran.

„Við gerum okkur fyllilega grein fyrir því að við erum ekki sigurstranglegir á mótinu en við vitum líka að það er allt hægt í fótbolta,“ sagði Ronaldo við brottförina.

„Við verðum bara að taka einn leik í einu og riðillinn er mjög erfiður. Við verðum samt líka að leyfa okkur að hugsa stórt og ég efast ekkert um að allir munu gefa allt sem þeir eiga.“