Barist með berum höndum í fyrsta sinn síðan 1889

Sögulegur viðburður átti sér stað um síðustu helgi í Bandaríkjunum er hanskarnir voru teknir af í hnefaleikabardögum.

Viðburðurinn fór fram í Cheyenne, Wyoming og var löglegur. Eins og við mátti búast var þetta blóðugt bardagakvöld. Aðstandendur segja að þetta sé þó hættuminna en sparkbox og MMA. Spörk í höfuð séu miklu hættulegri en hnefahögg.

Ástralska tveggja barna móðirin, Bec Rawlings, stal senunni í eina kvennabardaga kvöldsins þar sem hún pakkaði andstæðingi sínum saman. Rawlings á sex bardaga að baki hjá UFC.

Um 2.000 áhorfendur mættu til þess að horfa á viðburðinn í íshokkíhöll þar sem venjulega eru haldnar afmælisveislur. Þeir voru ánægðir með skemmtunina.

Hér að neðan má sjá umfjöllun USA Today um þennan sögulega viðburð.