Enska pressan liggur eins og mara á leikmönnum Hjörvar Ólafsson skrifar 2. júní 2018 10:15 Hermann Hreiðarsson átti farsælan feril í Englandi vísir/getty Oft er sagt að enska þjóðin og enskir blaðamenn séu verstu óvinir enska karlalandsliðsins í knattspyrnu í kringum stórmót. Það eru auðvitað leikmennirnir sjálfir sem eru eigin gæfu smiðir inni á vellinum, en það getur varla hjálpað nokkrum manni við iðju sína að hafa heila þjóð og blaðamannastétt sem níðir af honum skóinn. Hermann Hreiðarsson, fyrrverandi landsliðsmaður í knattspyrnu, lék á Englandi frá árinu 1997 allt til ársins 2012 og þekkir því vel enska knattspyrnumenningu og þá pressu sem hvílir á leikmönnum liðsins í aðdraganda stórmóts, á meðan á mótinu stendur og þá hörku sem leikmenn verða fyrir verði þeim á í messunni. Hermann segir enska knattspyrnuáhugamenn eyðileggja fyrir liði sínu með óhóflegri gagnrýni sinni, en hann segir ensku þjóðina hæfilega vongóða fyrir mótið í Rússlandi sem hefst eftir tæpar tvær vikur. Enska þjóðin geri sér grein fyrir því að liðið sé ekki sigurstranglegt á mótinu í sumar, en fari offari þessa stundina og finni leikmönnum allt til foráttu eins og vanalega. „Maður finnur það alveg þegar maður er í liði með enskum landsliðsmönnum að pressa eykst dag frá degi þegar líður að stórmóti. Til að mynda David James sem ég spilaði lengi með hefur oft rætt það við mig hvað þetta umtal hafði slæm áhrif á sig og spilamennsku alls liðsins. Leikmenn eru mjög spenntir fyrir mótinu, en þetta slæma umtal hefur að sjálfsögðu neikvæð áhrif,“ segir Hermann í samtali við Fréttablaðið. „Ég held sem dæmi að liðin sem í voru leikmenn á borð bið Rio Ferdinand, Sol Campbell, John Terry, Frank Lampard, Steven Gerrard, Paul Scholes, David Beckham, Wayne Rooney, Michael Owen og félagar hefðu getað gert mikið betri hluti en liðið gerði ef leikmenn og þjálfarateymið hefðu fengið meiri vinnufrið og eðlilegri umfjöllun,“ segir Hermann um skaðsemi ensku pressunnar. „Enska þjóðin er knattspyrnuóð og það snýst allt um fótbolta þegar stórmótin eru. Það er vissulega jákvætt hvað landinn fylgist vel með liðinu, en það snýst oftast upp í andhverfu sína af því að þeir eru svo neikvæðir. Þeir hakka leikmenn í sig og einkalíf þeirra er undir smásjánni á meðan á stórmóti stendur. Blöðin eru bara að hugsa um sölutölurnar og þetta er ekki mjög vönduð eða málefnaleg gagnrýni oft á tíðum,“ segir Hermann um bresku pressuna. „Það eru aftur á móti mjög hófstilltar kröfur sem eru gerðar til liðsins að þessu sinni. Gagnrýnin beinist frekar að því hvers vegar Englendingar eigi ekki leikmenn í hæsta gæðaflokki en ekki að þjálfaranum [Gareth Southgate] eða liðinu sjálfu. Þó svo að allir geri sér grein fyrir því að liðið hafi oft verið betra þá kæmi mér það á óvart ef það verður farið silkihönskum um leikmenn enska liðsins þegar á hólminn er komið,“ segir Hermann um komandi mót hjá enska liðinu. „Ég ber sjálfur miklar taugar til enska liðsins eftir tíma minn þar og ég vona aðallega að þeir ensku leikmenn sem hafa verið að spila vel með Liverpool, Tottenham Hotspur og Manchester City í vetur verði í aðalhlutverki í liðinu og að liðið spili bolta eins og þau lið hafa verið að spila undanfarið. Ég vona að Raheem Sterling, Dele Alli og Harry Kane eigi gott mót. Ég bind miklar vonir við að hann springi út og sjá til þess að sóknarleikur enska liðsins verði í lagi,“ segir Hermann að endingu um enska liðið sem er á leiðinni til Rússlands og vonast til þess að rjúfa 52 ára bið Englendinga eftir heimsmeistaratitli í knattspyrnu karla. Birtist í Fréttablaðinu Mest lesið „Viðbjóðsleg“ frammistaða sem lætur stjóra missa starfið Enski boltinn „Væri gaman að spila við þá í hverri einustu viku” Íslenski boltinn Fær Njarðvík frekar stimpilinn? Íslenski boltinn Stillti upp fartölvu til að mótmæla Fótbolti Tap hjá Sverri í Aþenuslagnum Fótbolti Ólæti vörpuðu skugga á dramatískan borgarslag Fótbolti Uppgjörið: Valur - Víkingur 2-3 | Draumamark Tariks kom Víkingi á toppinn Íslenski boltinn Guðmundur og Arnór fögnuðu góðum sigri Handbolti „Gleymist að við tókum líka Kjarnafæðisbikarinn og getum unnið þrefalt“ Sport Uppgjörið: KR - Fram 7-1 | Benóný Breki og KR með sýningu Íslenski boltinn Fleiri fréttir Fær Njarðvík frekar stimpilinn? Stillti upp fartölvu til að mótmæla „Væri gaman að spila við þá í hverri einustu viku” „Viðbjóðsleg“ frammistaða sem lætur stjóra missa starfið Tap hjá Sverri í Aþenuslagnum Uppgjörið,viðtöl og myndir: Fylkir - KA 1-3 | KA kom Fylki í vonlitla stöðu „Gleymist að við tókum líka Kjarnafæðisbikarinn og getum unnið þrefalt“ Jafnt þegar Logi og Brynjar mættust Guðmundur og Arnór fögnuðu góðum sigri Uppgjörið: Valur - Víkingur 2-3 | Draumamark Tariks kom Víkingi á toppinn Ólæti vörpuðu skugga á dramatískan borgarslag Andri skoraði fyrir slaginn við Chelsea Tryggvi með tíu í fyrsta leik Albert ekki fyrstur til að vinna Empoli Greið leið fyrir Bjarka, Ómar og Gísla í undanúrslit HM „Ætli svona 4-3 hefði ekki verið sanngjarnt“ Tap hjá Frey gegn liðinu sem vildi hann | Lið Sveindísar steinlá „Hún er þarna til að verja og hún gerir það vel“ Elliði Snær frábær í sigri Gummersbach Dagný fékk gult þegar Hamrarnir nældu í sitt fyrsta stig Uppgjörið: Þróttur - Þór/KA 0-0 | Markalaust í Laugardalnum Uppgjörið og viðtöl: FH - Breiðablik 0-1 | Kristinn kom Blikum á toppinn með marki úr hornspyrnu Uppgjörið: KR - Fram 7-1 | Benóný Breki og KR með sýningu Uppgjörið: Vestri - HK 2-1 | Vestri úr fallsæti og með örlögin í eigin höndum Mikael Egill byrjaði þegar Rómverjar komu til baka Delap bjargaði stigi fyrir nýliðina Tottenham lék tíu United-menn grátt Emilía Kiær skoraði og Glódís Perla sá rautt í öruggum sigri Arnar Pétursson átti sitt besta hlaup í Berlín Vilja framlengja við nærri fertugan Ronaldo Sjá meira
Oft er sagt að enska þjóðin og enskir blaðamenn séu verstu óvinir enska karlalandsliðsins í knattspyrnu í kringum stórmót. Það eru auðvitað leikmennirnir sjálfir sem eru eigin gæfu smiðir inni á vellinum, en það getur varla hjálpað nokkrum manni við iðju sína að hafa heila þjóð og blaðamannastétt sem níðir af honum skóinn. Hermann Hreiðarsson, fyrrverandi landsliðsmaður í knattspyrnu, lék á Englandi frá árinu 1997 allt til ársins 2012 og þekkir því vel enska knattspyrnumenningu og þá pressu sem hvílir á leikmönnum liðsins í aðdraganda stórmóts, á meðan á mótinu stendur og þá hörku sem leikmenn verða fyrir verði þeim á í messunni. Hermann segir enska knattspyrnuáhugamenn eyðileggja fyrir liði sínu með óhóflegri gagnrýni sinni, en hann segir ensku þjóðina hæfilega vongóða fyrir mótið í Rússlandi sem hefst eftir tæpar tvær vikur. Enska þjóðin geri sér grein fyrir því að liðið sé ekki sigurstranglegt á mótinu í sumar, en fari offari þessa stundina og finni leikmönnum allt til foráttu eins og vanalega. „Maður finnur það alveg þegar maður er í liði með enskum landsliðsmönnum að pressa eykst dag frá degi þegar líður að stórmóti. Til að mynda David James sem ég spilaði lengi með hefur oft rætt það við mig hvað þetta umtal hafði slæm áhrif á sig og spilamennsku alls liðsins. Leikmenn eru mjög spenntir fyrir mótinu, en þetta slæma umtal hefur að sjálfsögðu neikvæð áhrif,“ segir Hermann í samtali við Fréttablaðið. „Ég held sem dæmi að liðin sem í voru leikmenn á borð bið Rio Ferdinand, Sol Campbell, John Terry, Frank Lampard, Steven Gerrard, Paul Scholes, David Beckham, Wayne Rooney, Michael Owen og félagar hefðu getað gert mikið betri hluti en liðið gerði ef leikmenn og þjálfarateymið hefðu fengið meiri vinnufrið og eðlilegri umfjöllun,“ segir Hermann um skaðsemi ensku pressunnar. „Enska þjóðin er knattspyrnuóð og það snýst allt um fótbolta þegar stórmótin eru. Það er vissulega jákvætt hvað landinn fylgist vel með liðinu, en það snýst oftast upp í andhverfu sína af því að þeir eru svo neikvæðir. Þeir hakka leikmenn í sig og einkalíf þeirra er undir smásjánni á meðan á stórmóti stendur. Blöðin eru bara að hugsa um sölutölurnar og þetta er ekki mjög vönduð eða málefnaleg gagnrýni oft á tíðum,“ segir Hermann um bresku pressuna. „Það eru aftur á móti mjög hófstilltar kröfur sem eru gerðar til liðsins að þessu sinni. Gagnrýnin beinist frekar að því hvers vegar Englendingar eigi ekki leikmenn í hæsta gæðaflokki en ekki að þjálfaranum [Gareth Southgate] eða liðinu sjálfu. Þó svo að allir geri sér grein fyrir því að liðið hafi oft verið betra þá kæmi mér það á óvart ef það verður farið silkihönskum um leikmenn enska liðsins þegar á hólminn er komið,“ segir Hermann um komandi mót hjá enska liðinu. „Ég ber sjálfur miklar taugar til enska liðsins eftir tíma minn þar og ég vona aðallega að þeir ensku leikmenn sem hafa verið að spila vel með Liverpool, Tottenham Hotspur og Manchester City í vetur verði í aðalhlutverki í liðinu og að liðið spili bolta eins og þau lið hafa verið að spila undanfarið. Ég vona að Raheem Sterling, Dele Alli og Harry Kane eigi gott mót. Ég bind miklar vonir við að hann springi út og sjá til þess að sóknarleikur enska liðsins verði í lagi,“ segir Hermann að endingu um enska liðið sem er á leiðinni til Rússlands og vonast til þess að rjúfa 52 ára bið Englendinga eftir heimsmeistaratitli í knattspyrnu karla.
Birtist í Fréttablaðinu Mest lesið „Viðbjóðsleg“ frammistaða sem lætur stjóra missa starfið Enski boltinn „Væri gaman að spila við þá í hverri einustu viku” Íslenski boltinn Fær Njarðvík frekar stimpilinn? Íslenski boltinn Stillti upp fartölvu til að mótmæla Fótbolti Tap hjá Sverri í Aþenuslagnum Fótbolti Ólæti vörpuðu skugga á dramatískan borgarslag Fótbolti Uppgjörið: Valur - Víkingur 2-3 | Draumamark Tariks kom Víkingi á toppinn Íslenski boltinn Guðmundur og Arnór fögnuðu góðum sigri Handbolti „Gleymist að við tókum líka Kjarnafæðisbikarinn og getum unnið þrefalt“ Sport Uppgjörið: KR - Fram 7-1 | Benóný Breki og KR með sýningu Íslenski boltinn Fleiri fréttir Fær Njarðvík frekar stimpilinn? Stillti upp fartölvu til að mótmæla „Væri gaman að spila við þá í hverri einustu viku” „Viðbjóðsleg“ frammistaða sem lætur stjóra missa starfið Tap hjá Sverri í Aþenuslagnum Uppgjörið,viðtöl og myndir: Fylkir - KA 1-3 | KA kom Fylki í vonlitla stöðu „Gleymist að við tókum líka Kjarnafæðisbikarinn og getum unnið þrefalt“ Jafnt þegar Logi og Brynjar mættust Guðmundur og Arnór fögnuðu góðum sigri Uppgjörið: Valur - Víkingur 2-3 | Draumamark Tariks kom Víkingi á toppinn Ólæti vörpuðu skugga á dramatískan borgarslag Andri skoraði fyrir slaginn við Chelsea Tryggvi með tíu í fyrsta leik Albert ekki fyrstur til að vinna Empoli Greið leið fyrir Bjarka, Ómar og Gísla í undanúrslit HM „Ætli svona 4-3 hefði ekki verið sanngjarnt“ Tap hjá Frey gegn liðinu sem vildi hann | Lið Sveindísar steinlá „Hún er þarna til að verja og hún gerir það vel“ Elliði Snær frábær í sigri Gummersbach Dagný fékk gult þegar Hamrarnir nældu í sitt fyrsta stig Uppgjörið: Þróttur - Þór/KA 0-0 | Markalaust í Laugardalnum Uppgjörið og viðtöl: FH - Breiðablik 0-1 | Kristinn kom Blikum á toppinn með marki úr hornspyrnu Uppgjörið: KR - Fram 7-1 | Benóný Breki og KR með sýningu Uppgjörið: Vestri - HK 2-1 | Vestri úr fallsæti og með örlögin í eigin höndum Mikael Egill byrjaði þegar Rómverjar komu til baka Delap bjargaði stigi fyrir nýliðina Tottenham lék tíu United-menn grátt Emilía Kiær skoraði og Glódís Perla sá rautt í öruggum sigri Arnar Pétursson átti sitt besta hlaup í Berlín Vilja framlengja við nærri fertugan Ronaldo Sjá meira