Ekki víst að besta frammistaða landsliðsins frá upphafi dugi Ingvi Þór Sæmundsson skrifar 16. júní 2018 10:30 Argentínumenn hafa farið á kostum í Moskvu undanfarna daga. Vísir/Vilhelm Klukkan 13.00 flautar Pólverjinn Szymon Marciniak á stærsta leik íslenskrar knattspyrnusögu, allavega ef marka má orð Heimis Hallgrímssonar. Hvernig sem fer verður þetta alltaf söguleg stund, enda fyrsti leikur íslensks fótboltalandsliðs á heimsmeistaramóti. Mótherjarnir eru ekki af verri endanum; ein stærsta fótboltaþjóð heims og tvöfaldir heimsmeistarar Argentínu sem hafa innan sinna raða þann sem margir telja besta fótboltamann allra tíma, Lionel Messi. Og líkt og á EM 2016 mætir Ísland risaliði með risastjörnu innanborðs í fyrsta leik sínum. Í Frakklandi mætti Ísland Portúgal og náði í 1-1 jafntefli. Stærsta spurningarmerkið í aðdraganda leiksins, allavega hvað íslenska liðið varðar, var hvort Aron Einar Gunnarsson yrði klár í slaginn. Akureyringurinn virðist hins vegar hafa unnið kapphlaupið við tímann og miðað við orð hans á blaðamannafundi í gær var hann aldrei í vafa. „Ég hafði engar áhyggjur af að ég myndi ekki ná þessu. Þegar maður setur sér markmið þarf maður að gjöra svo vel að gera allt sem maður getur til að ná því. Ég er klár í leikinn og get ekki beðið eftir því að leiða liðið út á völlinn, þ.e. ef Heimir velur mig í liðið,“ sagði Aron Einar. Heimir er að vonum ánægður að hafa endurheimt fyrirliðann sinn.Hefur séð á liðinu í fjarveru Arons Einars „Ég ætla kannski ekki að segja að Aron sé ómetanlegur en hann er gríðarlega mikilvægur fyrir hópinn. Við höfum þurft að spila án hans í nokkurn tíma og mér finnst það hafa sést á liðinu. Hann er mikill leikstjórnandi og gefur liðinu mikið sjálfstraust,“ sagði Heimir. Á blaðamannafundinum í gær var Eyjamaðurinn spurður út í föst leikatriði þar sem Ísland ætti að hafa yfirhöndina gegn Argentínu, enda með talsvert hávaxnara lið.Leggja mikla vinnu í föst leikatriði „Við höfum gert vel í föstum leikatriðum og ætlum ekki að breyta því. Þetta er eitt af okkar einkennum. Við leggjum mikla vinnu í föst leikatriði og þau eru einn af okkar styrkleikum. Hæð breytir því ekki hvort við beitum þeim eða ekki,“ sagði Heimir. Eyjamaðurinn segist vera búinn að velja byrjunarliðið fyrir leikinn í dag. Stærsta spurningin er hvort Heimir spilar með tvo hreinræktaða framherja eða fer sömu leið og á seinni stigum undankeppni HM og lætur Emil Hallfreðsson spila við hlið Arons Einars á miðjunni. Gylfi Þór Sigurðsson myndi þá leika fyrir framan þá og styðja við fremsta mann.Ætla upp úr riðlinum Mikið hefur verið gert úr þeirri staðreynd að Ísland er langfámennasta þjóðin sem hefur komist á HM. Þrátt fyrir það vottar ekki fyrir minnimáttarkennd hjá íslenska liðinu og Heimir setur stefnuna á 16-liða úrslit. „Íslenskur fótbolti stendur ekki og fellur með úrslitunum í næstu þremur leikjum. Við verðum að halda áfram og horfa fram á veginn. En markmiðið er að fara upp úr riðlinum og ef við gerum það skiljum við tvö góð lið eftir. Við ættum ekki að óttast neinn andstæðing eftir það. Þannig er hugarfar okkar þegar við komum inn í þetta mót,“ sagði Heimir.Markavélar í framlínunni hjá Argentínu Heimir Hallgrímsson segir að það verði ekki þverfótað fyrir góðum leikmönnum í argentínska hópnum. „Það fer svolítið í taugarnar á okkur þjálfurunum þegar eina spurningin er um Lionel Messi. Þetta eru leikmenn í bestu liðum heims sem við horfum á í hverri viku. Ef of mikil athygli fer á einn leikmann í liðinu er einhver annar sem getur refsað okkur. Það væri að æra óstöðugan að telja upp alla leikmennina sem eru góðir í argentínska landsliðinu,“ sagði Heimir. Til að setja styrk argentínska hópsins í samhengi, þá eru innan hans markahæsti leikmaður Spánarmeistara Barcelona (Lionel Messi), Ítalíumeistara Juventus (Gonzalo Higuaín) og Englandsmeistara Manchester City (Sergio Agüero). Heimir segist líka meðvitaður um að besta frammistaða íslenska liðsins dygði kannski ekki til sigurs gegn því argentínska. „Íslendingar gætu átt leik líf síns og samt tapað fyrir frábæru liði eins og Argentínu. Það er raunveruleikinn,“ sagði Heimir. Birtist í Fréttablaðinu HM 2018 í Rússlandi Mest lesið Uppgjörið: Ísland - Aserbaísjan 5-0 | Algjör einstefna í seinni hálfleik Fótbolti Langlaunahæsti leikmaður liðsins í frystinum Fótbolti Sjáðu markasúpuna á Laugardalsvelli í kvöld Sport Þjarmað að Santos á blaðamannafundi eftir leik Fótbolti „Fagnið var fyrir mömmu og pabba“ Fótbolti „Fallegt að koma inn á fyrir bróður“ Fótbolti „Fyrri hálfleikurinn lagði grunninn“ Fótbolti Einkunnagjöf íslenska landsliðsins: Albert maður leiksins Fótbolti Svíar sóttu jafntefli og Ítalir möluðu Eista Fótbolti 54 ára markvörður rífur hanskana af hillunni Fótbolti Fleiri fréttir Langlaunahæsti leikmaður liðsins í frystinum „Fallegt að koma inn á fyrir bróður“ Þjarmað að Santos á blaðamannafundi eftir leik „Fyrri hálfleikurinn lagði grunninn“ „Fagnið var fyrir mömmu og pabba“ „Héldum áfram og drápum leikinn“ Svíar sóttu jafntefli og Ítalir möluðu Eista Ísak Bergmann: Stoltur af þjóðinni í kvöld Einkunnagjöf íslenska landsliðsins: Albert maður leiksins Tuchel hefur ekkert rætt við Greenwood 54 ára markvörður rífur hanskana af hillunni Byrjunarlið Íslands gegn Aserbaísjan: Elías ver markið, Skagamenn stýra miðjunni og Logi á bekkinn Uppgjörið: Ísland - Aserbaísjan 5-0 | Algjör einstefna í seinni hálfleik Gyökeres vitni í réttarhöldum Segir að Liverpool-menn muni sennilega aldrei jafna sig á fráfalli Jota „Gríðarleg pressa og það er bara gaman“ Orðin dýrust í sögu kvennaboltans Húðflúraði Diogo Jota á kálfann sinn „Alltaf mikil samkeppni og maður þarf að vera klár í það“ „Megum alls ekki vanmeta Aserbaísjan“ Fantasýn: „Ekki kaupa Isak núna“ Messi skoraði tvö í síðasta landsleiknum í Argentínu Allir lögðust niður eftir óvænta og ágenga truflun í fótboltaleik Levy var neyddur til að hætta Þróttur lánar sextán ára strák til Inter Milan Maðurinn sem keyrði á Liverpool stuðningsfólkið neitar sök Ein sú besta gæti snúið aftur eftir 20 mánaða fjarveru Gæti orðið fyrsti músliminn til að spila fyrir enska landsliðið Hetja Blika: „Einn leikur í einu“ „Betra fótboltaliðið tapaði í dag“ Sjá meira
Klukkan 13.00 flautar Pólverjinn Szymon Marciniak á stærsta leik íslenskrar knattspyrnusögu, allavega ef marka má orð Heimis Hallgrímssonar. Hvernig sem fer verður þetta alltaf söguleg stund, enda fyrsti leikur íslensks fótboltalandsliðs á heimsmeistaramóti. Mótherjarnir eru ekki af verri endanum; ein stærsta fótboltaþjóð heims og tvöfaldir heimsmeistarar Argentínu sem hafa innan sinna raða þann sem margir telja besta fótboltamann allra tíma, Lionel Messi. Og líkt og á EM 2016 mætir Ísland risaliði með risastjörnu innanborðs í fyrsta leik sínum. Í Frakklandi mætti Ísland Portúgal og náði í 1-1 jafntefli. Stærsta spurningarmerkið í aðdraganda leiksins, allavega hvað íslenska liðið varðar, var hvort Aron Einar Gunnarsson yrði klár í slaginn. Akureyringurinn virðist hins vegar hafa unnið kapphlaupið við tímann og miðað við orð hans á blaðamannafundi í gær var hann aldrei í vafa. „Ég hafði engar áhyggjur af að ég myndi ekki ná þessu. Þegar maður setur sér markmið þarf maður að gjöra svo vel að gera allt sem maður getur til að ná því. Ég er klár í leikinn og get ekki beðið eftir því að leiða liðið út á völlinn, þ.e. ef Heimir velur mig í liðið,“ sagði Aron Einar. Heimir er að vonum ánægður að hafa endurheimt fyrirliðann sinn.Hefur séð á liðinu í fjarveru Arons Einars „Ég ætla kannski ekki að segja að Aron sé ómetanlegur en hann er gríðarlega mikilvægur fyrir hópinn. Við höfum þurft að spila án hans í nokkurn tíma og mér finnst það hafa sést á liðinu. Hann er mikill leikstjórnandi og gefur liðinu mikið sjálfstraust,“ sagði Heimir. Á blaðamannafundinum í gær var Eyjamaðurinn spurður út í föst leikatriði þar sem Ísland ætti að hafa yfirhöndina gegn Argentínu, enda með talsvert hávaxnara lið.Leggja mikla vinnu í föst leikatriði „Við höfum gert vel í föstum leikatriðum og ætlum ekki að breyta því. Þetta er eitt af okkar einkennum. Við leggjum mikla vinnu í föst leikatriði og þau eru einn af okkar styrkleikum. Hæð breytir því ekki hvort við beitum þeim eða ekki,“ sagði Heimir. Eyjamaðurinn segist vera búinn að velja byrjunarliðið fyrir leikinn í dag. Stærsta spurningin er hvort Heimir spilar með tvo hreinræktaða framherja eða fer sömu leið og á seinni stigum undankeppni HM og lætur Emil Hallfreðsson spila við hlið Arons Einars á miðjunni. Gylfi Þór Sigurðsson myndi þá leika fyrir framan þá og styðja við fremsta mann.Ætla upp úr riðlinum Mikið hefur verið gert úr þeirri staðreynd að Ísland er langfámennasta þjóðin sem hefur komist á HM. Þrátt fyrir það vottar ekki fyrir minnimáttarkennd hjá íslenska liðinu og Heimir setur stefnuna á 16-liða úrslit. „Íslenskur fótbolti stendur ekki og fellur með úrslitunum í næstu þremur leikjum. Við verðum að halda áfram og horfa fram á veginn. En markmiðið er að fara upp úr riðlinum og ef við gerum það skiljum við tvö góð lið eftir. Við ættum ekki að óttast neinn andstæðing eftir það. Þannig er hugarfar okkar þegar við komum inn í þetta mót,“ sagði Heimir.Markavélar í framlínunni hjá Argentínu Heimir Hallgrímsson segir að það verði ekki þverfótað fyrir góðum leikmönnum í argentínska hópnum. „Það fer svolítið í taugarnar á okkur þjálfurunum þegar eina spurningin er um Lionel Messi. Þetta eru leikmenn í bestu liðum heims sem við horfum á í hverri viku. Ef of mikil athygli fer á einn leikmann í liðinu er einhver annar sem getur refsað okkur. Það væri að æra óstöðugan að telja upp alla leikmennina sem eru góðir í argentínska landsliðinu,“ sagði Heimir. Til að setja styrk argentínska hópsins í samhengi, þá eru innan hans markahæsti leikmaður Spánarmeistara Barcelona (Lionel Messi), Ítalíumeistara Juventus (Gonzalo Higuaín) og Englandsmeistara Manchester City (Sergio Agüero). Heimir segist líka meðvitaður um að besta frammistaða íslenska liðsins dygði kannski ekki til sigurs gegn því argentínska. „Íslendingar gætu átt leik líf síns og samt tapað fyrir frábæru liði eins og Argentínu. Það er raunveruleikinn,“ sagði Heimir.
Birtist í Fréttablaðinu HM 2018 í Rússlandi Mest lesið Uppgjörið: Ísland - Aserbaísjan 5-0 | Algjör einstefna í seinni hálfleik Fótbolti Langlaunahæsti leikmaður liðsins í frystinum Fótbolti Sjáðu markasúpuna á Laugardalsvelli í kvöld Sport Þjarmað að Santos á blaðamannafundi eftir leik Fótbolti „Fagnið var fyrir mömmu og pabba“ Fótbolti „Fallegt að koma inn á fyrir bróður“ Fótbolti „Fyrri hálfleikurinn lagði grunninn“ Fótbolti Einkunnagjöf íslenska landsliðsins: Albert maður leiksins Fótbolti Svíar sóttu jafntefli og Ítalir möluðu Eista Fótbolti 54 ára markvörður rífur hanskana af hillunni Fótbolti Fleiri fréttir Langlaunahæsti leikmaður liðsins í frystinum „Fallegt að koma inn á fyrir bróður“ Þjarmað að Santos á blaðamannafundi eftir leik „Fyrri hálfleikurinn lagði grunninn“ „Fagnið var fyrir mömmu og pabba“ „Héldum áfram og drápum leikinn“ Svíar sóttu jafntefli og Ítalir möluðu Eista Ísak Bergmann: Stoltur af þjóðinni í kvöld Einkunnagjöf íslenska landsliðsins: Albert maður leiksins Tuchel hefur ekkert rætt við Greenwood 54 ára markvörður rífur hanskana af hillunni Byrjunarlið Íslands gegn Aserbaísjan: Elías ver markið, Skagamenn stýra miðjunni og Logi á bekkinn Uppgjörið: Ísland - Aserbaísjan 5-0 | Algjör einstefna í seinni hálfleik Gyökeres vitni í réttarhöldum Segir að Liverpool-menn muni sennilega aldrei jafna sig á fráfalli Jota „Gríðarleg pressa og það er bara gaman“ Orðin dýrust í sögu kvennaboltans Húðflúraði Diogo Jota á kálfann sinn „Alltaf mikil samkeppni og maður þarf að vera klár í það“ „Megum alls ekki vanmeta Aserbaísjan“ Fantasýn: „Ekki kaupa Isak núna“ Messi skoraði tvö í síðasta landsleiknum í Argentínu Allir lögðust niður eftir óvænta og ágenga truflun í fótboltaleik Levy var neyddur til að hætta Þróttur lánar sextán ára strák til Inter Milan Maðurinn sem keyrði á Liverpool stuðningsfólkið neitar sök Ein sú besta gæti snúið aftur eftir 20 mánaða fjarveru Gæti orðið fyrsti músliminn til að spila fyrir enska landsliðið Hetja Blika: „Einn leikur í einu“ „Betra fótboltaliðið tapaði í dag“ Sjá meira
Byrjunarlið Íslands gegn Aserbaísjan: Elías ver markið, Skagamenn stýra miðjunni og Logi á bekkinn