Alfreð: Held það sé töluvert skemmtilegra að vera knattspyrnumaður en að vera í pólitík

Alfreð Finnbogason var ótrúlega pólitískur í tilsvörum er hann var spurður út í framtíð sína. Svo pólitískur að blaðamaður tók nánast pensarann af og hrósaði honum.

„Þakka þér fyrir," segir Alfreð léttur er hann fékk hrósið fyrir svarið. Það lá því beint við að spyrja hann hvort hann sæi fyrir sér frama í bæjarpólitíkinni í Kópavogi.

„Ég er ekki kominn svo langt. Ég held að það sé töluvert skemmtilegra að vera knattspyrnumaður en í pólitík. Ég er ekki með hugann við það."

Vísir er með öflugt teymi í Rússlandi sem verður með ítarlegan fréttaflutning af íslenska liðinu á HM. Fylgist með á samfélagsmiðlum okkar - á Facebook, Twitter og Instagram.