Blikar halda áfram að safna liði

Nýliðar Breiðabliks hafa verið virkir á leikmannamarkaðnum og virðast hvergi nærri hættir að sækja nýja leikmenn fyrir átökin í Dominos deildinni á komandi leiktíð.

Í gær var greint frá því að Bjarni Geir Gunnarsson hefur komist að samkomulagi við uppeldisfélag sitt en hann var síðast á mála hjá Stjörnunni.

Bjarni Geir er fæddur árið 1995 en hann var lánaður til Gnúpverja í 1.deildinni á síðustu leiktíð. 

Pétur Ingvarsson tók við stjórnartaumunum í Kópavogi á dögunum og á undanförnum vikum hefur liðið samið við Hilmar Pétursson, Snorra Hrafnkelsson og Arnór Hermannsson.