33 hafa látið lífið í hitabylgju sem hefur gengið yfir suðurhluta Quebec-fylkis í Kanada.
Hitabylgjan er sú mesta í fylkinu í áratugi en hún hófst síðastliðinn föstudag. Hefur hitinn farið upp í 35 gráður og þá hefur einnig verið mjög rakt.
Flestir þeirra sem hafa látist af völdum hitans voru á aldrinum 50 til 80 ára. Átján af 33 dauðsföllum hafa verið í Montreal.
Yfirvöld hvetja fólk til að drekka mikið af vatni og að halda sig í skugganum. Þá hafa heilbrigðisstarfsmenn gengið hús úr húsi í Montreal til að athuga með heilsu um 15 þúsund íbúa sem talið eru að séu í sérstaklega viðkvæmri stöðu vegna hitans.
Veðurspár gera ráð fyrir að hitinn fari lækkandi á morgun og fari þá ekki hærra en í 24 gráður en meðalhitastig á þessum árstíma í Montreal er 25 gráður.
33 látið lífið í hitabylgjunni í Kanada

Tengdar fréttir

Hitamet slegin um allt norðurhvel
Hásumar er nú á norðurhveli en hitinn á mörgum stöðum hefur verið sérstaklega mikill undanfarið.

Átján látnir í hitabylgjunni í Kanada
Hitabylgjan er sú mesta í Quebec-fylki í áratugi.