Birta myndband af umdeildu banaskoti

Yfirvöld Í Minneapolis í Bandaríkjunum hafa birt myndbönd úr vestismyndavélum lögregluþjóna sem skutu 31 árs gamlan þeldökkan mann til bana í síðasta mánuði. Lögregluþjónar voru sendir á vettvang eftir tilkynningu um ölvaðan mann sem var að skjóta upp í loftið nálguðust þeir Thurman Blevins þar sem hann sat á gangstétt. Hann var skotinn eftir stutta eftirför og virðist hann hafa haldið á byssu.



Þegar lögregluþjónarnir nálguðust hann tók annar þeirra eftir því að hann væri vopnaður. þeir skipuðu honum að stoppa og hótuðu því að skjóta hann. Í fyrstu var hann með byssu sína í belti sínu en þegar hann var skotinn, hélt hann á byssunni.

Áður en Blevins var skotinn bað hann lögregluþjónana um að láta sig vera, sagðist ekki hafa gert neitt og bað þá um að skjóta sig ekki.

Í samtali við Star Tribune, segir Sydnee Brown, frænka Blevins, að hann hefði ekki átt skilið að deyja. Hann hefði ekki ógnað lögregluþjónunum þegar þeir nálguðust hann og hélt hún því fram að þeir hafi ekki litið á hann sem manneskju. Fjölskylda hans fékk að horfa á myndbandið áður en það var birt.



Lögregluþjónarnir tveir, Ryan Kelly, og Justin Schmidt, eru báðir í leyfi á meðan rannsókn málsins stendur yfir. Fjölskylda Blevins hefur kallað eftir því að þeim verði vikið úr starfi og sóttir til saka.

Þeir skutu báðir úr byssum sínum og hæfðu Blevins margsinnis.



Fjölskyldan hafði ráðið lögmanninn Glenda Hatchett, sem starfaði einnig fyrir fjölskyldu Phiilando Castile, sem skotinn var til bana af lögregluþjóni í Minnesota árið 2016 og var kærasta hans í beinni útsendingu á Facebook. Lögregluþjónninn var sýknaður af drápinu í fyrra.



Þegar blaðamaður Star Tribune náði sambandi við Hatchett í gær, eftir að myndbandið var birt, sagðist hún hætt að vinna fyrir fjölskylduna. Búið var að skipuleggja mótmæli í borginni í vikunni.

Áðurnefnd myndbönd voru birt eftir mótmæli í borginni en yfirvöld vildu ekki birta þau fyrr en búið væri að ræða við helstu vitni málsins. Birt voru myndbönd úr vestum beggja lögregluþjónanna og eitt myndband til viðbótar sem sérfræðingar höfðu farið yfir. Búið er að hægja á því á völdum stöðum og skerpa það.

Vert er að vara við því að myndböndin geta vakið óhug fólks.