KR með óvæntan sigur á Þór/KA

KR hafði betur gegn Íslandsmeisturum Þór/KA í Pepsi-deild kvenna í kvöld. Leikurinn fór fram á Alvogenvellinum í Vesturbænum og lauk með 2-1 sigri heimakvenna.

Það var strax á 16. mínútu leiksins sem Tijana Krstic kom KR yfir og var staðan 1-0 í hálfleik.

Á 69. mínútu leiksins kom Mia Gunter KR 2-0 yfir. Sandra Mayor náði að klóra í bakkann fyrir Þór/KA skömmu seinna en nær komust gestirnir ekki.

Þetta var fjórði sigur KR í sumar en liðið situr í 8. sæti deildarinnar með 12 stig. Þór/KA er í 2. sæti með 32 stig, einu stigi á eftir Breiðabliki sem á leik til góða.

Upplýsingar fengnar af fótbolta.net