Öllum sleppt úr haldi eftir líkamsárás í Sandgerði

Lögreglan á Suðurnesjum hefur sleppt öllum þeim sem handteknir voru í nótt eftir stórfellda líkamsáras í heimahúsi í Sandgerði.

Samkvæmt upplýsingum frá lögreglunni var ekki farið fram á gæsluvarðhald yfir neinum af þeim sem handteknir voru.

Fangageymslur lögreglunnar voru fullar þar  sem staðan var metin svo að handtaka þyrfti alla sem voru staddir í húsinu þegar líkamsárásin átti sér stað, en þar voru einhvers konar veisluhöld.

Rannsókn málsins heldur áfram, að sögn lögreglu, en einn var fluttur á sjúkrahús eftir líkamsárásina.