Bolasie orðinn liðsfélagi Birkis

Birkir Bjarnason hefur fengið nýjan liðsfélaga, Aston Villa staðfesti komu Yannick Bolasie á láni frá Everton í dag.

Bolasie verður á láni út tímabilið hjá Villa. Hann er 29 ára og hefur skorað 2 mörk í 29 leikjum með Everton. Þá á hann 8 landsliðsmörk í 32 A-leikjum fyrir Lýðstjórnarlýðveldið Kongó.

#BOLASIEANNOUNCEDpic.twitter.com/Jx4LhdL4bX

— Aston Villa FC (@AVFCOfficial) August 25, 2018

Bolasie verður boðinn velkominn á Villa Park í dag en er þó ekki með leikheimild fyrir Íslendingaslag Aston Villa og Reading sem fer fram seinna í dag.

Aston Villa tapaði í úrslitaumspilinu um sæti í úrvalsdeildinni á síðasta tímabili. Eftir fjóra leiki er liðið í 5. sæti Championship deildarinnar með átta stig.