Þyrlan uppfyllir skilyrði í væntanlegu útboði um þyrlukaup Landhelgisgæslunnar

Ítalskur þyrluframleiðandi gerði sér ferð hingað til lands til þess að kynna fyrir Landhelgisgæslunni þyrlu sem þeir segja henta til þeirra verkefna sem gæslan sinnir hér á landi. Heimsóknin var að frumkvæði framleiðandans og tengslum við væntanlegt útboð og kaupum á nýjum björgunarþyrlum á næsta ári.

Þyrlan er af gerðinni Leonardo AW189 og er í svokölluðum Super Medium Class sem er sami stærðarflokkur og núverandi EC332L1 Super Puma þyrlur Landhelgisgæslunnar. 

Þyrlan var fyrst kynnt á markað af 2011 og var fyrsta eintakið tekið í notkun árið 2014. Framleiðandinn segir að þyrlurnar sem um ræðir standist allar þær grunn kröfum sem Landhelgisgæslna gerir í væntanlegu útboði, hvað varð afkastagetur og útbúnað.

Hluti þyrluflugmanna og flugstjóra hjá Landhelgisgæslunni kynntu sér vélina í gær og í dag var fjölmiðlamönnum boðið að skoða tækið. Heimsóknin og kynningin er að frumkvæði þyrluframleiðandans.

 

„Við erum ekki þekktir hér og engar af okkur þyrlum fljúga hér. Við trúum því þyrlur sem henta hér og okkur langaði til þess að koma hingað að kynnt Landhelgisgæslunni þessa kosti,“ sagði Tommaso Piatti, sölu og markaðsstjóri Leonardo Helicopters.

Samkvæmt upplýsingum frá framleiðandanum eru rúmlega sextíu þyrlur þegar i notkun og hafa flogið yfir fjörutíu og fimm þúsund klukkustundir. Vélarnar eru framleiddar á Ítalíu og Bretlandi.

„Fyrst og fremst uppfyllir vélin allar þær kröfur sem koma til með að vera í væntanlegu útboði. Þessi vél er björgunarþyrlan í Bretlandi,“ segir Sigurjón Ásbjörnsson, framkvæmdastjóri Sandinavian Aircraft Marketing.

Í tilkynningu segir að Breska strandgæslan  hafi tekið ákvörðum um endurnýja þyrluflota sinn og valdi að undangenginni ítarlegri úttekt þyrlutegundina sem um ræðir. Keyptar voru ellefu björgunarþyrlur sem allar hafa verið afhentar og komnar í rekstur.

Í fjárlagafrumvarpi Ríkisstjórnarinnar sem kynnt var í september mun íslenska ríkið verja 1,9 milljarði til kaupa á nýjum björgunarþyrlum fyrir Landhelgisgæsluna. Gert er ráð fyrir að heildar fjárfestingin á þremur nýjum björgunarþyrlum nemi um 14 milljörðum en miðað  er við að kaupverð hverrar þyrlu í fyrirhuguðu útboði verði 4,7 milljarðar.

Hvað kosta björgunarþyrlur sem þessar?

„Það ver eftir því hvað þú vilt margar,“ spyr Tommaso,

Þrjár?

„Það er um sjötíu milljón evrur,“ segir Tommaso.