Jón Guðni og félagar í annað sætið eftir sigur í Íslendingaslag

Jón Guðni Fjóluson og félagar í Krasnodar eru komnir í annað sæti rússnesku úrvalsdeildarinnar eftir 2-1 sigur á CSKA á útivelli.

Nikola Vlasic kom CSKA yfir en mörk frá Ari og Svíanum Viktor Claesson tryggði Krasnodar frábæran 2-1 útisigur.

Jón Guðni var ónotaður varamaður en Krasnodar er í öðru sæti deildarinnar, þremur stigum á eftir toppliði Zenit sem á þó leik til góða.

Hörður Björgvin Magnússon og Arnór Sigurðsson léku báðir allan leikinn fyrir CSKA sem er í fimmta sæti deildarinnar með 19 stig.