Serbar gagnrýndir fyrir bókaútgáfu

Mannréttindasamtök gagnrýna útgáfu serbneska varnarmálaráðuneytisins á bókum stríðsglæpamanna og segja hana jafngilda opinberum stuðningi við gjörðir mannanna. AP greinir frá.



Mannréttindasamtökin YIHR, sem starfa í Balkanskagalöndunum: Serbíu, Kósóvó, Svartfjallalandi, Króatíu og Bosníu og Hersegóvínu, gagnrýna harðlega ákvörðun serbneskra stjórnvalda um að gefa út og kynna bækur fyrrum hershöfðingja í her Júgóslavíu.

Hershöfðingjarnir tveir, Nebojsa Pavkovic og Vladimir Lazarevic, hafa báðir verið dæmdir fyrir stríðsglæpi sína í Haag í kjölfar Kósóvó stríðsins.

Pavkovic hlaut 22 ára dóm en Lazarevic hefur nýverið verið sleppt úr haldi eftir að hafa setið inni í 14 ár.

Varnarmálaráðuneytið hefur gefið út minningabækur hershöfðingjanna frá stríðstímum og munu kynna þær á bókahátíðinni í Belgrad, höfuðborgar Serbíu í vikunni.