Dele Alli nálgast nýjan samning

Dele Alli, leikmaður Tottenham, er nálægt því að skrifa undir nýjan samning við félagið en Sky Sports greinir frá þessu.

 

Dele Alli hefur farið mikinn í liði Tottenham síðan hann kom til liðsins árið 2015 en á fyrsta tímabili sínu með félaginu var hann valinn besti ungi leikmaður tímabilsins í deildinni.

 

Alli er nú þegar með samning við félagið til ársins 2022 en hann og félagið hafa nú náð nýju samkomulagi eftir að hann lýsti því yfir að hann vildi vera áfram hjá félaginu. 

 

Búast má því að að með þessum samning fylgi mikil launahækkun en Harry Kane, liðsfélagi Alli, skrifaði einnig undir samning fyrir stuttu og með þeim samning varð hann lang launahæsti leikmaður félagsins.

 

Dele Alli hefur verið fjarri góðu gamni í mánuð vegna meiðsla en hann sneri aftur til æfinga í gær og mun því vera í leikmannahópi Tottenham gegn City á mánudaginn.