Haukarnir áfram eftir kaflaskiptan leik í Digranesi

Haukastúlkur eru komnar í 8-liða úrslit Coca-Cola bikarsins eftir níu marka sigur á HK, 23-14, en leikið var í Digranesi í kvöld.

Haukarnir voru með tröllatök á leiknum í fyrri hálfleik. Þær komust meðal annars í 5-1 og 9-2 og leiddu svo í hálfleik, 13-5.

Það var allt annað að sjá heimastúlkur í síðari hálfleik. Hægt og rólega náðu þær að minnka muninn í þrjú mörk og gátu minnkað í tvö en það gekk ekki.

Um miðjan hálfleikinn stigu Haukarnir aftur á bensíngjöfina og bættu í forskotið sem endaði í níu mörkum. Lokatölur 23-14.

Maria Ines Pereira og Birta Lind Jóhannsdóttir voru markahæstar í liði Hauka með fjögur mörk en Elva Arinbjarnar var atkvæðamest hjá HK, einnig með fjögur mörk.